БИШКЕК, 3-июл. — Sputnik. Эртең, 4-июль күнү Кыргызстанда кыска мезгилдүү жаан жаап, күн күркүрөй турганын Кыргызгидромет билдирди.
Батыштан соккон шамалдын ылдамдыгы секундасына 4-9 метрге чейин жетет. Бишкек жана Ош шаарларында күндүз өткүн өтүшү күтүлүүдө. Абаны температурасы борбор калаада түнкүсүн 18…20 градус болсо, күндүз 26…28 градуска жетет. Ошто түнкүсүн 18…20 градуска чейин көтөрүлсө, күндүз 30…32 градус болот.
Кыргызгидромет 7-июлга чейин күтүлүп жаткан жаан-чачынга байланыштуу республиканын тоолуу жана тоо этектериндеги аймактарында сел жүрүшү мүмкүн экенин эскертет.
