БИШКЕК, 26-май — Sputnik. Жогорку кеңеш жашы жете элек өспүрүмдөр менен никеге турууга каршы багытталган мыйзам долбоорун колдобой койду.
Депутат Аида Салянованын Үй-бүлө жана Кылмыш кодекстерине өзгөртүү киргизүү боюнча демилгеси парламентте бейшемби күнү каралды.
Ага ылайык, жашы жете электердин никелешүүсүнө тыюу салынган.
Салянованын айтымында, жашы жете элек кыздар менен никелешүүгө бөгөт коюу алардын эркек тараптан зордук-зомбулукка кабылышынын алдын алмак.
Мыйзам долбоордо өспүрүм менен никеге турган жаранды үч жылдан беш жылга чейин эркинен ажыратуу жазасы каралган. Долбоор депутаттар тарабынан колдоо тапкан жок.
