БИШКЕК, 11-июль — Sputnik. 12-июлдан 16-июлга чейин аба ырайы ысып, Чүй, Талас, Ош, Жалал-Абад, Баткен облустарында +36…+41 градус болот. Бул тууралуу Өзгөчө кырдаалдар министрлигинин маалымат кызматы билдирди.
Ал эми Ысык-Көл, Нарын облустарында абанын температурасы +29…+34 градуска чейин көтөрүлөт.
Ушундай ченемден тышкары ысык аба ырайынын учурунда организмди күйгүзүп алуудан жана ысык өткөрүп алуудан сактоо үчүн күндүн алдында көпкө жүрбөө сунуш кылынат.
Фермерлерге айыл чарба өсүмдүктөрүн кеңири сугаруу сунуш кылынат.
