https://sputnik.kg/20250409/aksh-uchun-tramp-salgan-bazhy-salygynyn-paydasy-menen-zyyany-1093203342.html
Трамп киргизген бажы алымынын АКШ үчүн күнгөйү менен тескейи
Трамп киргизген бажы алымынын АКШ үчүн күнгөйү менен тескейи
Sputnik Кыргызстан
БИШКЕК, 9-апр. — Sputnik. АКШ президенти Дональд Трамп бажы алымдары өлкө казынасына күнүнө 2 миллиардга чукул доллар алып келерин жар салды. Бул туурасында... 09.04.2025, Sputnik Кыргызстан
2025-04-09T10:35+0600
2025-04-09T10:35+0600
2025-04-09T10:35+0600
дүйнөдө
акш
дональд трамп
экономика
бажы төлөмү
чыгым
forbes
https://sputnik.kg/img/07e9/04/09/1093201827_0:0:3072:1728_1920x0_80_0_0_645490dda4f95caf271f6ab312476951.jpg.webp
БИШКЕК, 9-апр. — Sputnik. АКШ президенти Дональд Трамп бажы алымдары өлкө казынасына күнүнө 2 миллиардга чукул доллар алып келерин жар салды. Бул туурасында РИА Новости жазды.Ак үй ээсинин айтымында, иш илгерилөөдө, аны менен катар эле жаңы алымдар боюнча өлкөлөр менен макулдашуу жумуштары нугунда кетип баратат.Ал арада Forbes басылмасы америкалык жаңы алымдар Трамптын чөнтөгүн бир топ эңшерип жибергенин жазды. Президенттин акчасы импорттук "өз ара алымдардын" киришинен 500 миллион долларга азайган."Өткөн жумада Дональд Трамп глобалдуу соода кармашында биринчи кадамын таштап, бир топ кишини, анын ичинен өзүн да чыгымга учуратты. Трамп масштабдуу алымдарды киргизүү планы туурасында жар салганда Forbes анын байлыгын 4,7 миллиард доллар деп баалаган. Ал эми бир жума өткөн соң ал 4,2 миллиард болуп, түшүп кетти", — деп жазган басылма.Forbes эң чоң жоготуу АКШнын президентинин Trump Media and Technology Group компаниясына туура келгендигин билдирди. Анын акциялары болжол менен 5 пайызга арзандап кетип, Трамп 170 миллион долларга чукул акчасынан кол жууган. Мындан сырткары, Америка президентинин кыймылсыз мүлк боюнча портфели бул мезгил аралыгында 660 миллиондон 550 миллион долларга чейин кыскарып кеткен.Чыгым Трамптын гольф менен байланышкан активдерин да камтыган. Себеби кесипкөй оюнчулар үчүн керектелген көп товарлары: топтор, клюшкалар жана кийимдер чет жактан алып келинет. Инсайдерлердин айтканына караганда, бул тармактагы кооптуулук — эл акчасын үнөмдөй баштоосу. Тагыраагы, гольф клубдун мүчөлөрү төлөгөн мүчөлүк акы да бир топ азаймакчы.Эске салсак, 2025-жылдын 2-апрелинде АКШ президенти Дональд Тармп башка өлкөлөрдөн келген товарга бажы алымы кирерин билдирген. Вашингтондун бул аракети көптөгөн дүйнөлүк лидерлердин нааразычылыгын жаратты.Ак үйдүн кожоюну бажы алымынын эң төмөнкү чеги 10 пайыз болорун, анткен менен тариф ар өлкөгө өзүнчө бекитилерин белгилеген болчу. Трамптын айтымында, сумма мамлекеттердин америкалык товар үчүн алган пошлинасынын жарымын түзөт.АКШ президенти бажы алымдарын киргизүү өлкөнүн экономикалык көз карандысыздыгынын декларациясы болуп, мамлекеттик карыздан кутулуу үчүн пайдаланууга шарт түзүлөт деген пикирде. Ал арада финансы министри Скотт Бессент бажы алымы киргизилип жаткан мамлекеттерге жооп кайтаруу абалды курчутуп жиберерин айтып, андан оолак болууга чакырган.
https://sputnik.kg/20250408/ilon-maks-tramp-tarif-1093184606.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, дональд трамп, экономика, бажы төлөмү, чыгым, forbes
дүйнөдө, акш, дональд трамп, экономика, бажы төлөмү, чыгым, forbes
БИШКЕК, 9-апр. — Sputnik. АКШ президенти Дональд Трамп бажы алымдары өлкө казынасына күнүнө 2 миллиардга чукул доллар алып келерин жар салды. Бул туурасында
РИА Новости жазды.
"Биз салыктан күнүнө 2 миллиардга (доллар) чукул алабыз. Иш жакшы жүрүп жатат", — деген ал.
Ак үй ээсинин айтымында, иш илгерилөөдө, аны менен катар эле жаңы алымдар боюнча өлкөлөр менен макулдашуу жумуштары нугунда кетип баратат.
Ал арада
Forbes басылмасы америкалык жаңы алымдар Трамптын чөнтөгүн бир топ эңшерип жибергенин жазды. Президенттин акчасы импорттук "өз ара алымдардын" киришинен 500 миллион долларга азайган.
"Өткөн жумада Дональд Трамп глобалдуу соода кармашында биринчи кадамын таштап, бир топ кишини, анын ичинен өзүн да чыгымга учуратты. Трамп масштабдуу алымдарды киргизүү планы туурасында жар салганда Forbes анын байлыгын 4,7 миллиард доллар деп баалаган. Ал эми бир жума өткөн соң ал 4,2 миллиард болуп, түшүп кетти", — деп жазган басылма.
Forbes эң чоң жоготуу АКШнын президентинин Trump Media and Technology Group компаниясына туура келгендигин билдирди. Анын акциялары болжол менен 5 пайызга арзандап кетип, Трамп 170 миллион долларга чукул акчасынан кол жууган. Мындан сырткары, Америка президентинин кыймылсыз мүлк боюнча портфели бул мезгил аралыгында 660 миллиондон 550 миллион долларга чейин кыскарып кеткен.
Чыгым Трамптын гольф менен байланышкан активдерин да камтыган. Себеби кесипкөй оюнчулар үчүн керектелген көп товарлары: топтор, клюшкалар жана кийимдер чет жактан алып келинет. Инсайдерлердин айтканына караганда, бул тармактагы кооптуулук — эл акчасын үнөмдөй баштоосу. Тагыраагы, гольф клубдун мүчөлөрү төлөгөн мүчөлүк акы да бир топ азаймакчы.
Эске салсак, 2025-жылдын 2-апрелинде АКШ президенти Дональд Тармп башка өлкөлөрдөн келген товарга
бажы алымы кирерин билдирген. Вашингтондун бул аракети көптөгөн дүйнөлүк лидерлердин нааразычылыгын жаратты.
Ак үйдүн кожоюну бажы алымынын эң төмөнкү чеги 10 пайыз болорун, анткен менен тариф ар өлкөгө өзүнчө бекитилерин белгилеген болчу. Трамптын айтымында, сумма мамлекеттердин америкалык товар үчүн алган пошлинасынын жарымын түзөт.
АКШ президенти бажы алымдарын киргизүү өлкөнүн экономикалык көз карандысыздыгынын декларациясы болуп, мамлекеттик карыздан кутулуу үчүн пайдаланууга шарт түзүлөт деген пикирде. Ал арада финансы министри Скотт Бессент бажы алымы киргизилип жаткан мамлекеттерге жооп кайтаруу абалды курчутуп жиберерин айтып, андан оолак болууга чакырган.
