БИШКЕК, 24-дек. — Sputnik. Кыргызгидрометтин расмий сайтына шашылыш билдирүү жарыяланды.
Синоптиктердин маалыматына ылайык, 26-декабрдан 28-декабрга чейин аба ырайы кескин өзгөрөт. Шейшемби күнү карга айланган жаан жааса, тоо этектерине кар түшөт.
27 жана 28-декабрда мезгил-мезгили менен кар жаайт. Жолдор тайгак болуп, шамалдын ылдамдыгы секундасына 23 метрге чейин жетиши мүмкүн.
27, 28 жана 29-декабрь күндөрү абанын температурасы төмөндөйт. Чүй менен Таласта түнкүсүн —7…-12, күндүз —1…-6 градус суук болот.
Ош, Баткен жана Жалал-Абадда түнкүсүн —2…-7 градус суук болсо, күндүз 5 градуска чейин жылуу болот.
Нарын облусунда —15…-20, бийик тоолуу аймактарда сууктун күчү 30 градуска чамалап барат.
Мындай аба ырайы унаа кыймылын, байланыш ишканалары, энергетикалык жана коммуналдык кызматтардын ишин кыйындатары эскертилди.
Ал эми 25-декабрь күнү өлкө аймагында түнкүсүн жаан-чачын күтүлбөйт, күндүз Чүй, Талас, Жалал-Абад облустарынын айрым жерлеринде жаан жаап, тоолорго кар түшөт.
Бишкекте күндүз абанын температурасы 9…11 градуска чейин көтөрүлөт. Ошто 10…12 градус жылуу болору күтүлүп жатат.
