БИШКЕК, 2-май — Sputnik. Өзгөндөгү Ийри-Сууда түшкөн жер көчкү сарайдын бузуп өтүп, үйгө эки метр жетпей токтогон. Бул туурасында ӨКМдин маалымат кызматынан кабарлашты.
"2-май күнү саат 21:10до Өзгөн районундагы Ийри-Суу айыл аймагынын Кара-Колот айылында көлөмү 62 миң метр куб жер көчкү сарайын басып калып, үйгө 2 метр жетпей токтоп калган", — деп кабарлады маалымат кызматы.
Дагы алты турак үйгө коркунуч жаралып, эки турак үйдун жашоочулары коопсуз жайга көчүп чыккан.
ӨКМ калган беш турак үйдүн жашоочулары 2017-жылдын 3-май күнү көчүрүлөрүн кошумчалады.
Эске салсак, 29-апрелде эртең менен саат 6:40тар чамасында Өзгөн районунун Зергер айыл аймагындагы Аюу айылында көлөмү 200 миң метр куб жер көчкү жүрүп, алдын ала маалымат боюнча алты үй-бүлөдөн 24 кишини басып калган.
Учурда 300гө чукул куткаруучулар жер көчкү алдында калгандарды издеп жатат.Азырынча алардын бешөөнүн сөөгү табылды.
