БИШКЕК, 2-май. — Sputnik. Араванда жүк ташуучу унаа бир жарым жаштагы кызды сүзүп кетип, анын кесепетинен наристе каза болуп калган. Бул тууралуу Sputnik Кыргызстан агенттигине Ош облустук Ички иштер башкармалыгынан кабарлашты.
Жумушка камынып жаткан 64 жаштагы киши жүк ташуучу унаасы менен көчөгө чыгып жаткан. Анын айтымына караганда, ал моторун иштеткенге чейин эки жагын караган. Аны келинчеги менен кызы жолго узатып жаткан. Айдоочу жакындары менен коштошуп унаасын артка айдаганда кызды коюп кеткен.
"Алдын ала маалыматтарга караганда, кичинекей кыз дөңгөлөктүн алдында ойноп жаткандыктан, аны көрбөй калышкан. Наристе коңшулардын кызы болгон. Анын апасы 20 гана жашта", — деп айтылат маалыматта.
Окуядан кийин айдоочу качып кеткен. Бирок жарым сааттан кийин эле кармалган. Учурда бардык керектүү экспертизалар дайындалды. Кылмыш иши козголо элек.
