БИШКЕК, 10-май — Sputnik. ФИФАнын июнь айындагы рейтингинде Кыргызстан 10 тепкичке төмөндөп, 110- орунду ээлелеши мүмкүн экенин football-rankings.info сайты жазат.
Кыргызстандын футбол боюнча курама командасы ФИФАнын апрель айындагы рейтингинде рекорд жаратып, 100-орунга көтөрүлгөн.
Аталган сайттын буга чейин бир нече жолу туура тыянак жасаган аналитиктери 2-июндагы рейтингде Кыргызстан 29 упай жоготуп, 313 упай менен 110-орунга татыйт дешүүдө.
Кыргызстандын футбол боюнча курама командасы 2018-жылы өтө турган футбол боюнча дүйнөлүк биринчиликтин тандоо турунун алкагында акыркы жолу Тажикстан менен Душанбе шаарында ойноп, 0:1 эсебинде утуп алган.
Улуттук курам 2-июнда Ливан курама командасы менен Бишкек шаарында жолдоштук беттеш өткөрөт.
