БИШКЕК, 25-фев. — Sputnik. Борбордук шайлоо комиссиясы 27-март күнү өтө турган жергиликтүү шайлоого карата аймактык комиссиялардын мүчөлөрү үчүн атайын окууларды баштаганын аталган мекеме билдирди.
Маалыматка ылайык, тренингдер "Автоматташтырылган башкаруу системасын пайдалануу" жана "Шайлоо процесси менен укук" темалары боюнча өтүүдө.
Район борборлорунда мындай окуулар 24-февралдан 12-мартка чейин өтсө, Ош, Баткен жана Жалал-Абад облустарынын өкүлдөрү үчүн 24-27-февраль күндөрү Ош шаарында өтөт. Жалпы катышуучулардын саны 37 кишини түзүүдө.
Атайы программадан өткөн комиссия мүчөлөрү окуудан соң өздөрү машыктыруучу катары тренингдерди өтүү укугуна ээ болушат.
