БИШКЕК, 13-июль — Sputnik. Биринчи вице-премьер-министр Тайырбек Сарпашев төрт күндүк иш сапары менен Баткен, Ош жана Жалал-Абад облустарына бара турганын өкмөттүн маалымат кызматы билдирет.
Маалыматка ылайык, Сарпашевдин иш сапары бүгүн Баткен облусунан башталат.
Биринчи вице-премьер-министр Баткен облусунун Лейлек, Баткен, Кадамжай райондорунун активи менен биометрикалык маалыматтарды тапшыруунун экинчи этабын жана биометрикалык каттоодон өткөн шайлоочулардын так тизмесин түзүүнү талкуулайт.
Ушул эле маселелер 14-15-16 июль күндөрү Ош шаарынын, Ош жана Жалал-Абад облустарынын активдери менен боло турган жолугушууда дагы талкууланат.
