БИШКЕК, 18-фев. — Sputnik. 40 миңге жакын Кыргызстандын жараны Россиянын Федералдык кызматынын "кара тизмесине" түшүп калганын Кыргызстандын Тышкы иштер министрлигинин консулдук кызматы департаментинин бөлүм башчысы Бактыбек Үмөтов маалымат жыйында билдирди.
Анын айтымында, "кара тизмеге" түшүп калгандар анын мөөнөтү аяктаганга чейин Россиянын аймагына кире алышпайт. Кирүүгө тыюу салуу 3 жылга чейин созулушу ыктымал.
Бул тизмеге Россиянын мыйзамдарын бузган кыргызстандыктар түшөт. Кыргызстандыктар негизинен, өлкөдө жүрүү мөөнөтүн так сактабайт жана патенти жок иштеп мыйзам бузушат.
