Фильмдерибизди чет өлкөлөр сатып алчу. Режиссер Жали Соданбектин видеомаеги
19:51 24.02.2024 (Жаңыртылды: 10:08 26.02.2024)
© Sputnik / Жантай Макенов
Жазылуу
Эксклюзив
Белгилүү кинорежиссер Жали Соданбектин тарткан кинокартиналары кезинде дүйнөнүн булуң-бурчунда көрсөтүлүп, далай кинотеатрда прокатка чыккан. Ардагер киночу Sputnik Кыргызстан агенттигине чыгармачылыгы, замандаштары жөнүндө кызыктуу маек куруп берди.
КР эл артисти Жали Соданбек Москвадагы Бүткүл союздук мамлекеттик кинематография институтунун режиссерлук бөлүмүн бүтүп келип чоң киного кадам таштаган. Жаш адис алгач даректүү фильмдерди тартып, кийин мыкты көркөм тасмаларды жараткан.
Жали Соданбек кыргыз кинематографиясынын өр алган учурун сыймыктануу менен эскерди.
"Кино искусство гана эмес, өндүрүш да болуп эсептелет. "Искусство адамдары көп карыбайт, булардын жумушу жеңил, алар кинофестивалдарда сулуу актрисалар менен эле жүрүшөт" деп калышат. Жок, андай эмес, уктабаган түндөр болот, тоо-ташты аралап экспедицияда жүрөбүз. Убагында "Кыргызфильм" Советтер Союзундагы эң алдыңкы, күчтүү киностудиялардын бири болчу. Биз эң аз фильм тартчубуз, жылына төрткө жетпеген картина жарыкка чыкчу. Ошого карабай ал эмгектерибиздин көбү фестивалдардан байгелүү кайтып, башка мамлекеттер сатып алып, өздөрүндө көрсөтчү", — деди кинорежиссер.
Союз маалында 76 жаштагы ардагер киночунун "Үй-бүлө", "Из тьмы веков" тасмасы 30дай мамлекетте прокатка чыкса, "Гибель во имя рождения" көркөм фильми АКШ менен Канаданын 14 ири шаарында көрсөтүлгөн.
Тема боюнча:
