БИШКЕК, 8-ноя. — Sputnik. Грузиянын мурдагы президенти, учурда Украинадагы Одесса облусунунун губернатору Михаил Саакашвили бул иштен тажагандыгын жана өлкөдө коррупция, бандиттикти калкалоо күч алып жаткандыгын жар салып, отставкага кетерин айтты. Бул туурасында РИА Новости кабарлады.
"Мен тажадым. Бирок мени чарчады жана менден кутулабыз деп ойлошпосун. Күрөштүн жаңы этабын баштайм. Президент Одесса облусундагы эки бандиттик жана криминалдык кланды колдоп жатат", — деди Саакашвили журналисттерге.
Кечээ Одессанын облустук администрациясында жабык жыйын өтүп, анда Бобровская Саакашвилинин командасында каларын айтканы менен облусту башкаруу ниетин жашырган эмес.
Саакашвили Одессанын губернаторлугуна 2015-жылдын 30-май айында дайындалган. Украинанын президенти Порошенко аны облустун жетекчилигине коюп жатып, аймактагы коррупциянын тамырын кыркат деген ишенимде экенин айткан.
