13:48 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Дүйнөдө
Кыскача шилтеме алуу
54 0 0

Буга чейин Эстон полициясы жана чек араны коргоо кызматы Sputnik Эстониянын кызматкерлерине шарт койгон кат жөнөткөн. Анда же агенттик менен иштөөсүн токтотушу керектиги, же болбосо аларга кылмыш иши козголору айтылган эле.

БИШКЕК, 28-окт. — Sputnik. Эстониянын мамлекеттик соту Эстон полициясы жана чек араны коргоо департаментинин Sputnik Эстониянын кызматкерлерине карата жасаган мамилеси жаңылыш болгон деп эсептээрин билдирди.

Sputnik Эстония маалыматтык порталы аталган бийлик тарабынан бир жыл мурда жабылган эле. Бирок агенттиктин иши кайрадан каралмакчы, тагыраагы, Эстониянын мамлекеттик соту Эстон полициясы жана чек араны коргоо боюнча жергиликтүү департаментинин басылмага карата бир катар иштери туура эмес болгонун тааныды.

Кеп Маалыматтар боюнча бюронун 2019-жылы акчанын изин жашырган иши туурасында жүрүп жатат. Ал учурда Эстония полициясы жана чек араны коргоо боюнча департаментинин бөлүмү Sputnik Эстонияга шарт койгон кат жөнөткөн. Анда же агенттик менен иштөөсүн токтотушу керектиги, же болбосо аларга "европалык санкцияларды аткарбай койгону үчүн" иш козголору айтылган эле.

Маалыматтар боюнча, бюронун каты Sputnik Эстония басылмасы имаратын ижарага алып турган компанияга да жолдонгон. Бюро эстон бийлиги кеп Еаропа кеңешинин токтому менен 2014-жылдын 17-мартындагы "Россия сегодня" ЭМАсынын директору Дмитрий Киселевго карата салынган санкция жөнүндө болуп жатканын айткан.

Себеби Sputnik Эстония да "Россия сегодня" ЭМАсынын курамына кирген. Бирок агенттиктин өзүн ал тизмеден табууга мүмкүн эмес эле. Болгону Дмитрий Киселевдун аты жазылып жүргөн. Анткен менен аталган бюро агенттик менен кызматташкандар кылмыш жоопкерчилигине туш келип калышы мүмкүндүгүн билдирген.

Ал арада "Россия сегодня" ЭМАсында бюронун бул кадамдары мыйзамдуубу деген суроо жаралган. Сотко берилген арызда ал бюронун Sputnik Эстония агенттиги түзгөн эмгек жана ижара боюнча келишимдер тууралуу чечим кабыл алууга ыйгарым укугу жоктугу баса белгиленип, жазылган.

Бирок Таллиндин административдик соту жана Таллин округунун соту "Россия сегодня" ЭМАсынын арызын канааттандырган эмес. Анда катты Эстониянын мамлекетитк сотуна жөнөтүшкөн. Бюро ыйгарым укуктарын өтө эле ашыкча алып жиберип, мурдагы эки соттун чечимдери туура эмес болгону айтылган. Ошентип доо арыз Таллиндин администрациялык сотуна кайрадан кароо үчүн кайтарылат.

Буга чейин эстон бийлиги Sputnik Эстония боюнча ЕККУнун ЖМК эркиндиги боюнча өкүлү Арлем Дезирдин сынына кабылган. 2019-жылдын декабрь айында ал Sputnik Эстонияга асылууну токтотуудан алыс болуу чакырыгы менен чыгып, редакциянын ишин чектөө керексиз кадам экендигин айткан.

"Бул маалыматтын эркин агымына терс таасирин тийгизиши мүмкүн", — деп жазган Дезир Twitter аккаунтундагы баракчасына.

Ал арада 2020-жылдын 1-январында жасалган опузалоолорго байланыштуу Sputnik Эстония сайты чукул кырдаалдагы тартип менен иштеп, кийинчерээк ишин токтоткон. Ал эми кызматкерлерге Sputnik Эстония менен түзгөн келишимин жокко чыгарууга туура келген. Бул мисал Эстонияда сөз эркиндигинин принциптери бузулганы байкалып жаткандыгын көрсөтөрүн басылманын шеф-редактору Елена Черышева бир нече ирет айткан эле.

2021-жылдын февраль айында ал жана Sputnik Эстониянын мурдагы кызматкерлери жаңы Sputnik Meedia долбоорун ишке киргизген.

Тема боюнча

ЕККУ төрагасы Sputnik Эстония боюнча абалга пикирин айтты
Черышева: Европанын Sputnik Эстония тушуккан абал боюнча унчукпаганы — кылмыш
Белгилер:
Эстония, Sputnik, ЕККУ, сот, санкциялар

ЭҢ МААНИЛҮҮ