https://sputnik.kg/20211026/erdogan-diplomattar-boyuncha-kirizis-chechilgenin-zhar-saldy-1054359788.html
10 элчинин чыры. Эрдоган дипломаттар боюнча кризис чечилгенин билдирди
10 элчинин чыры. Эрдоган дипломаттар боюнча кризис чечилгенин билдирди
Sputnik Кыргызстан
Эрдоган элчилерге Түркиянын суверенитетин бутага алган деген кине такты. Ал кимде-ким өлкөнүн көз карандысыздыгын урматтабаса Түркиядан кете берсе болорун... 26.10.2021, Sputnik Кыргызстан
2021-10-26T10:09+0600
2021-10-26T10:09+0600
2021-12-14T14:27+0600
жаңылыктар
дүйнөдө
саясат
түркия
режеп тайип эрдоган
элчи
дипломат
https://sputnik.kg/img/07e5/0a/1a/1054359171_435:816:2625:2048_1920x0_80_0_0_e1448ab74ea1ae4a4c5f6ef17447309d.jpg
БИШКЕК, 26-окт. — Sputnik. Түркиянын президенти Режеп Тайип Эрдоган 10 элчини персона нон-грата деп жарыялаган кырдаал элчиликтердин Түркиянын ишине кийлигишпестиги боюнча билдирүүсүнөн соң чечилди деп айткан. Бул туурасында РИА Новости кабарлады.Дүйшөмбү күнү АКШнын жана башка бир катар мамлекеттердин элчиликтери Вена конвенциясына ылайык, өлкөнүн ички иштерине кийлигишпей турганын айтып, билдирүү менен чыккан.Анын айтымына караганда, ал элчилердин "мындан ары Түркия боюнча билдирүүлөрүндө сак жана дыкат болоруна ишеним артат".Эске салсак, буга чейин Канада, Франция, Финляндия, Дания, Германия, Нидерланд, Жаңы Зеландия, Норвегия, Швеция жана АКШ мамлекеттеринин элчиликтери түрк бийлигин укук коргоочу Осман Каваланы бошотууга чакырган.Түркиянын ТИМи бул өлкөлөрдүн элчилеринин чакырыгын тастыктап, дипломатиялык мамилелер боюнча Вена конвенциясын сактоо зарылдыгын эскерткен.Осман Кавала — Anadolu Kültür AŞ маданий фондунун негиздөөчүсү, түрк жана армян калкынын ортосундагы элдештирүү жана күрд маселесин тынчтык жолу менен чечүү сыяктуу эл аралык маанидеги этникалык жана диний азчылыктардын долбоорлорун колдойт.2013-жылы Стамбулдун Гези паркындагы нааразылык акцияларында өкмөттү кулатуу аракетине катышкан деп айыпталган Каваланы 2020-жылдын февралында Түркиянын соту актаган. Ошол эле күнү Стамбулдун прокуратурасы аны камакка алуу боюнча жаңы ордер чыгарган. Кавалага бул жолу 2016-жылы июлда Түркияда мамлекеттик төңкөрүш жасоо аракетине катыштыгы бар деген айып тагылууда.
https://sputnik.kg/20210912/bala-erdogandy-kutpoy-tasmany-kesip-saldy-1053889011.html
түркия
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
https://sputnik.kg/img/07e5/0a/1a/1054359171_148:0:2879:2048_1920x0_80_0_0_80991b3cefa96ebd4b0e7fff21bfca83.jpgSputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, дүйнөдө, саясат, түркия, режеп тайип эрдоган, элчи, дипломат
жаңылыктар, дүйнөдө, саясат, түркия, режеп тайип эрдоган, элчи, дипломат
10 элчинин чыры. Эрдоган дипломаттар боюнча кризис чечилгенин билдирди
10:09 26.10.2021 (Жаңыртылды: 14:27 14.12.2021) Эрдоган элчилерге Түркиянын суверенитетин бутага алган деген кине такты. Ал кимде-ким өлкөнүн көз карандысыздыгын урматтабаса Түркиядан кете берсе болорун айткан.
БИШКЕК, 26-окт. — Sputnik. Түркиянын президенти Режеп Тайип Эрдоган 10 элчини персона нон-грата деп жарыялаган кырдаал элчиликтердин Түркиянын ишине кийлигишпестиги боюнча билдирүүсүнөн соң чечилди деп айткан. Бул туурасында
РИА Новости кабарлады.
Дүйшөмбү күнү АКШнын жана башка бир катар мамлекеттердин элчиликтери Вена конвенциясына ылайык, өлкөнүн ички иштерине кийлигишпей турганын айтып, билдирүү менен чыккан.
"Бир катар мамлекеттердин элчилери биздин өлкөнүн суверенитетин бутага алышкан. Мындай билдирүү биздин сотторду, жактоочуларды мазактоо. Түркия соту көз каранды эмес жана эч кимдин буйругун аткарбайт. Андыктан мындай мазактоого жооп кылуу биздин милдетибиз. Кандайдыр бир кризис жараталы деген жокпуз, өлкөбүздүн намысын, кызыкчылыгын, укугун коргодук. Элчилердин бүгүнкү билдирүүсүнөн кийин кырдаал башка жакка өзгөрдү", — деген Эрдоган.
Анын айтымына караганда, ал элчилердин "мындан ары Түркия боюнча билдирүүлөрүндө сак жана дыкат болоруна ишеним артат".
"Кимде-ким биздин өлкөнүн көз карандысыздыгын урматтабаса, титулдарына, артыкчылыктарына карабай, өлкөдөн чыгып кетсе болот", — деген Түркия президенти.
Эске салсак, буга чейин Канада, Франция, Финляндия, Дания, Германия, Нидерланд, Жаңы Зеландия, Норвегия, Швеция жана АКШ мамлекеттеринин элчиликтери түрк бийлигин укук коргоочу Осман Каваланы бошотууга чакырган.
Түркиянын ТИМи бул өлкөлөрдүн элчилеринин чакырыгын тастыктап, дипломатиялык мамилелер боюнча Вена конвенциясын сактоо зарылдыгын эскерткен.
Осман Кавала — Anadolu Kültür AŞ маданий фондунун негиздөөчүсү, түрк жана армян калкынын ортосундагы элдештирүү жана күрд маселесин тынчтык жолу менен чечүү сыяктуу эл аралык маанидеги этникалык жана диний азчылыктардын долбоорлорун колдойт.
2013-жылы Стамбулдун Гези паркындагы нааразылык акцияларында өкмөттү кулатуу аракетине катышкан деп айыпталган Каваланы 2020-жылдын февралында Түркиянын соту актаган. Ошол эле күнү Стамбулдун прокуратурасы аны камакка алуу боюнча жаңы ордер чыгарган. Кавалага бул жолу 2016-жылы июлда Түркияда мамлекеттик төңкөрүш жасоо аракетине катыштыгы бар деген айып тагылууда.