10:14 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Дүйнөдө
Кыскача шилтеме алуу
Тоолуу Карабахтагы жаңжал (58)
131 0 0

Тоолуу Карабахтагы кырдаал былтыр 27-сентябрда курчуган. Согуштук чырдын башталышына Армения менен Азербайжан бири-бирин айыптап келет.

БИШКЕК, 27-сен. — Sputnik. Азербайжан Армения менен мамилесин жакшыртууга даяр. Бул тууралуу өлкөнүн Тышкы иштер министрлигине шилтеме берип РИА Новости жазды.

"Биз Армения менен элдешүүгө даярбыз. Бирок алардын эл аралык укук талаасынан чыкпашын, Азербайжандын суверенитетине жана аймактык бүтүндүгүнө шек келтирбөөсүн талап кылабыз. Арменияны региондогу коопсуздукту сактоо үчүн эл аралык милдеттерди так аткарууга чакырабыз", — деп айтылат Азербайжан ТИМинин билдирүүсүндө.

Эске салсак, Тоолуу Карабахтагы кырдаал былтыр дал ушул күнү, тагыраагы, 27-сентябрда курчуган. Армения менен Азербайжан аскерлери дароо эле куралдык тирешүүгө өткөн. Согуштук чырдын башталышына Армения менен Азербайжан бири-бирин айыптап келишет.

2020-жылдын ноябрь айында Армения, Азербайжан жана Россиянын лидерлери Тоолуу Карабахтагы куралдуу тирешти токтотуу боюнча келишимге кол коюп, ал 10-ноябрда күчүнө кирген.

Ага ылайык, Агдам району менен Газах районундагы аймак 2020-жылдын 20-ноябрына чейин Азербайжанга кайтарылган. Ошондой эле Арменияга 15-ноябрга чейин Кельбаджар районун, 1-декабрга чейин Лачын районун Азербайжанга өткөрүп берүү милдети жүктөлгөн.

Көп өтпөй Тоолуу Карабахтын жана Лачин коридорунун чек арасына Россиянын эки миңге чукул тынчтык орнотуучулары жайгашкан. Алар ал жакта беш жыл бою кызмат өтөп, зарыл болгон учурда бул мөөнөт узартылары айтылган болчу.

Негизи Карабах чыры 1988-жылдын февраль айында башталган. Анда Карабах автономдуу облусу Азербайжан ССРинин курамынан чыгарын жар салган. 1992-1994-жылдары куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет.

Тема:
Тоолуу Карабахтагы жаңжал (58)

Тема боюнча

Тоолуу Карабах: Путин, Алиев жана Пашиняндын сүйлөшүүсү дээрлик 4 саатка созулду
Армениянын аскердик техника жактан көбүрөөк жоготууга учурашынын себеби эмнеде
Белгилер:
Армения, Тоолуу Карабах, Азербайжан, кызматташуу, ТИМ, сунуш

ЭҢ МААНИЛҮҮ