20:07 22 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Дүйнөдө
Кыскача шилтеме алуу
159 0 0

Окумуштуулар океандагы чоң өзгөрүүлөрдү көзөмөлдөө жана алдын ала божомол берүү үчүн мониторинг жүргүзүүчү каражаттарды жана технологияларды жакшыртуу зарылдыгын белгилешкен.

БИШКЕК, 23-сен. — Sputnik. Акыркы эки жылда Арктикадагы муздардын эриши рекорддук көрсөткүчкө жеткенин Journal of Operational Oceanography илимий журналындагы отчетко таянуу менен РИА Новости жазды.

Изилдөөнү Европадагы 30 институтта эмгектенген 120дан ашуун окумуштуу жүргүзгөн.

Отчетто соңку он жылдын ичинде Арктикадагы муздун деңгээли 1979-жылга салыштырмалуу 13 пайызга, ал эми Баренц деңизиндеги муздун орточо калыңдыгы 90 пайызга азайганы белгиленет.

Эксперттердин айтымында, учурда Түндүк Муз океанынын (Арктика) жылышы глобалдык океандын жылуусунун болжол менен төрт пайызын түзөт. Арктикадан башка бассейндерге түшкөн муз агымынын кескин азайып кетиши жылуулануу процессин тездетиши мүмкүн. Натыйжада бул суу ташкындарына жана деңиз флорасы менен фаунасынын өзгөрүшүнө алып келет.

Отчеттун авторлору мисал катары 2019-жылы Венецияда болгон рекорддук суу ташкынын жана Жер Ортолук деңизинин бир нече жолу көтөрүлүшүн айткан. Түндүк деңизде суу муздап, кайра жылыганда көптөгөн краб менен балыктын түрлөрү азайган.

Жыйынтыгында окумуштуулар океандагы чоң өзгөрүүлөрдү көзөмөлдөө жана алдын ала божомол берүү үчүн мониторинг жүргүзүүчү каражаттарды жана технологияларды жакшыртуу зарылдыгын белгилешкен.

Тема боюнча

Кыргызстан ЮНЕСКОго "Мөңгүлөрдү сактоо жөнүндө" резолюцияны демилгелейт
"Центерранын" карьер боюнча билдирүүсүнө "Кумтөр" жооп берди. Сүрөт, видео
Усубалиев: токойдун азайышы дагы мөңгүнүн эришине таасир этет
Белгилер:
Арктика, муз, жылуулук, окумуштуулар, суу ташкыны

ЭҢ МААНИЛҮҮ