Панжшердеги каршылык көрсөтүү күчүнүн лидери элге кайрылды

© REUTERS / Mohammad IsmailПанжшерде талибдерге каршылык көрсөтүп жаткандардын лидери Ахмад Масуд тарапташтарына кайрылуу учурунда
Панжшерде талибдерге каршылык көрсөтүп жаткандардын лидери Ахмад Масуд тарапташтарына кайрылуу учурунда - Sputnik Кыргызстан, 1920, 06.09.2021
Жазылуу
Талибдер Панжшер провинциясы толук көзөмөлгө алынганын бир эмес бир нече жолу жарыялаган. Бирок каршылык көрсөтүп жаткан фронт муну төгүндөп келет.

БИШКЕК, 6-сен. — Sputnik. Панжшерде талибдерге каршылык көрсөтүп жаткандардын лидери Ахмад Масуд фронт акырына чейин, Афганистан бошотулмайынча күрөшө берерин билдиргенин РИА Новости жазды.

Анын айтымына караганда, каршылык күчү дагы деле Панжшерде талибдер менен согушууда.

"Фронт акыркы чекитке чейин, акыркы ирмемдерге чейин, Афганистан бошотулуп, эл жеңмейин күрөшө берет", — деди Масуд.

Ал афганистандыктарды "Талибанга"* каршы көтөрүлүп чыгууга үндөдү.

"Мекенибизди бошотуу үчүн каерде болсок да көтөрүлүп чыгууга үндөйм. Ар бириңиздер колдон келишинче каршылык көрсөтүңүздөр", — деди фронттун лидери.

Ал ошондой эле чет элдик күчтөр талибдер менен биригип алып Афганистандын элине каршы чыгып жатканын кошумчалаган.

Афганистандын мурдагы вице-президенти Амрулла Салех. Архив - Sputnik Кыргызстан, 1920, 06.09.2021
Талибдерге каршы согушкан вице-президент Салехтин Тажикстанга кире качканы айтылды
Августтун башында "Талибан"* кыймылы активдешип, Афганистандын өкмөттүк күчтөрүнө чабуул коё баштаган. 2021-жылдын 15-августунда борбор шаары Кабулга кирип, президенттик сарай алардын көзөмөлүндө калган. Ал эми 16-августта Афганистандагы согуш аягына чыкты деп жар салып, жакын арада өлкөнүн башкаруу формасы аныкталарын айтышкан. 31-августка караган түнү АКШ аскерлери буга чейин көзөмөлүндө турган Кабул аэропортун таштап чыгып кетишти.

Панжшер провинциясы Афганистанда талибдерге каршылык көрсөтүп жаткан жалгыз аймак болчу. Террордук кыймыл бул провинцияга согуштук операциясын сентябрда баштаган.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

Жаңылыктар түрмөгү
0