Байдендин психикалык саламаттыгынан күмөн санаган 124 экс-генерал кат жазды

© REUTERS / JONATHAN ERNSTАКШнын президенти Жо Байден
АКШнын президенти Жо Байден  - Sputnik Кыргызстан, 1920, 13.05.2021
Жазылуу
Мурдагы аскер кызматкерлери президенттин өлкөнү башкарып кетишине ишенбей турганын айтып чыгышты. Алардын пикиринде, "улут чоң коркунучта турат".
БИШКЕК, 13-май — Sputnik. Америкада 124 экс-генерал мамлекет башчы Жозеф Байденди сындаган ачык кат жазды. Бул тууралуу The Politico билдирди.
Аскер тармагында иштеп кеткендер мамлекет башчынын психикалык абалынан жана ден соолугу, басып-туруу жөндөмдүүлүгүнөн күмөн санап, улут чоң коркунучта турганын айтышты.
"АКШнын Куралдуу Күчтөрүнүн башкы командачысынын психикалык абалы жана ден соолугу, басып-туруу жөндөмдүүлүгүнө көңүл кош кароого болбойт. Ал улуттук коопсуздук жаатындагы чечимдерди тез арада, күнү-түнү жана кайсыл жерде болбосун так кабыл ала билиши керек", — деп белгилеген каттын авторлору.
Ошондой эле кайрылууда учурдагы администрация "диктатордук ыкма менен америкалык жарандардын конституциялык укуктарын бузуп, 50дөн ашык буйрукка кол койду. Алардын көпчүлүгү мурдагы жетекчиликтин майнаптуу саясатын жокко чыгарат" деп айтылат.
Генералдар ФБР менен Жогорку сотту шайлоодогу мыйзам бузуулар аныкталса эртерээк чара көрүп, былтыркыдай көп нерсени көз жаздымда калтырбоону суранышкан.
Жаңылыктар түрмөгү
0