09:56 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Дүйнөдө
Кыскача шилтеме алуу
533 0 0

Маалыматка караганда, жубайлар мурдагы лидер Ким Чен Ирдин туулган күнүнө арналган концертке чогуу барышты.

БИШКЕК, 17-фев. — Sputnik. Түндүк Корянын лидери Ким Чен Ындын жубайы Ли Соль Чжу бир жылдан бери эл алдына биринчи жолу чыкты. Бул тууралуу Кореянын борбордук телеграфтык агенттиги жазды.

Маалыматка караганда, жубайлар мурдагы лидер Ким Чен Ирдин туулган күнүнө арналган концертке чогуу барышты.

Буга чейин алар 2020-жылдын 25-январында жаңы жылдык кечеге катышуу үчүн Пхеньяндагы театрда болушканы маалым.

Дүйнөлүк ЖМКлардын жазганына караганда, биринчи айымдын көрүнбөй кетишине, биринчиден, жолдошунун ооруп жаткан эжеси Ким Гөн Хиге кам көрүп жатканы себеп болушу мүмкүн. Экинчиден, өзүнүн ден соолугу солгундап же коронавирустан коргонуп, эл көп чогулган жерлерге чыкпай жаткандыр деп божомолдошкон.

Ал эми былтыркы жылдын аягында айрым басылмалар Ким Чен Ын кайрадан эл алдына мурдагы сүйүктүүсү деп айтылып жүргөн ырчы Хөн Сон Воль менен чыга баштаганын жазып чыккан эле.

Тема боюнча

ЖМК: Ким Чен Ын мурдагы сүйүктүүсү менен эл алдына чыга баштады
Белгилер:
Ким Чен Ын, Түндүк Корея, биринчи айым

ЭҢ МААНИЛҮҮ