05:08 07 Жалган Куран 2021
Түз эфир
  • USD84.8000
  • EUR101.1579
  • RUB1.1394
Дүйнөдө
Кыскача шилтеме алуу
Дүйнөгө жайылган коронавирус (1322)
62 0 0

Адистер шизофрения илдети COVID-19 вирусу менен кошулганда адамга өтө кооптуу экенин аныкташты. Бирок эмне себептен өлүп калуу коркунучун жогорулатарын тереңирээк изилдеп көрүү керектигин айтышууда.

БИШКЕК, 28-янв. — Sputnik. Америкалык окумуштуулар шизофрения дарты менен жабыркаган адамдарда COVID-19дан каза болуп калуу тобокелдиги 2,7 пайызга жогору экенин аныкташты. Бул тууралуу JAMA Psychiatry илимий журналына шилтеме берип РИА Новости жазды.

Изилдөөнүн алкагында адистер Нью-Йорк шаарынын 26 540 тургунунун былтыркы жылдын мартынан тарта майга чейинки медициналык карталарын карап чыгышкан. Алардын арасынан жети миңден ашык киши коронавируска кабылганы белгилүү болгон.

Окумуштуулар бул топко кирген адамдардын арасынан психикалык илдеттери бар бейтаптарды үч топко бөлүп караган. Биринчиси — шизофрения, экинчиси — аффект (өзүнүн иш-аракетин башкара албай калуу) болсо, үчүнчүсү — негизсиз коркуп, тынчсыздана берүү.

7 миңден ашык кишинин арасынан 75и шизофрения, 564ү аффект илдеттери менен жабыркаса, 360ы себепсиз корко берери белгилүү болгон.

Жыйынтыгында жалпы 7 миң адамдын арасынан 864 бейтап COVID-19дан улам каза тапкан. Дарыгерлер өлгөндөрдүн жаш курагы, расасы, өнөкөт оорулары сыяктуу факторлорду эске алганда дагы шизофрениясы бар адамдар башкаларга салыштырмалуу 2,7 пайызга көбүрөөк каза болорун белгилешкен.

Бирок адистер COVID-19 учурунда биз сөз кылып жаткан оору кандай себептерден улам адамды өлүмгө дуушар кыларын тереңирээк изилдеп көрүү керектигин айтышты.

Тема:
Дүйнөгө жайылган коронавирус (1322)

Тема боюнча

Окумуштуулар коронавирустун өлүм тобокелдигин азайта алган затты атады
Белгилер:
окумуштуулар, кесепет, өлүм, коронавирус

ЭҢ МААНИЛҮҮ