Рак менен оорубаш үчүн кайсы азык, тамактардан баш тартуу керек? Иликтөө

© Sputnik / Константин Михальчевский / Медиабанкка өтүүЖашылча жемиштер. Архив
Жашылча жемиштер. Архив - Sputnik Кыргызстан
Жазылуу
Тафт университетинин окумуштуулары кумшекер рактын бир нече түрүн дароо өрчүтүп жиберүүсү мүмкүн деген тыянакка келишкен. Таттуу, газдалган суусундукту көп ичкен аялдар жатын, эмчек жана бөйрөк рагына көп чалдыгышат.

БИШКЕК, 25-дек. — Sputnik. Рак илдетин алдын алып, анын өрчүп кетүү тобокелчилигин азайтуу үчүн кандай тамактануу зарыл жана кайсы азыктардан баш тартыш керек? Бул боюнча РИА Новостиге бир топ окумуштуулардын илимий изилдөөлөрү жарыяланды.

АКШдагы Тафт окуу жайынын илимпоздору рак кайсы азыктан өрчүй турганын жана туура эмес тамактануу кайсы органда залалдуу шишикти пайда кыларын билүү үчүн иликтөө жүргүзүшкөн. Алар 2015-жылы жогорудагы илдетке кабылган 20 жаштан жогору курактагы 80 миң америкалык жарандардын маалыматын анализдеп чыгышкан.

Ашкабак. Архив - Sputnik Кыргызстан
Ашкабактын пайдалуу жактары жана кайсы ооруларга даба экени айтылды
Жыйынтыгында туура эмес тамактануу көп учурда ичеги менен көтөн чучук рагына алып келиши ыктымал экени маалым болгон. Кайра иштетилген эт, кумшекерди көп колдонуп, жашылча-жемишти азыраак жеген туура эмес тамактануу болуп саналат.

Тафт университетинин окумуштуулары кумшекер рактын бир нече түрүн дароо өрчүтүп жиберүүсү мүмкүн деген тыянакка келишкен. Таттуу, газдалган суусундукту көп ичкен аялдар жатын, эмчек жана бөйрөк рагына көп чалдыгышат. Кумшекерди көп колдонуу көтөн чучук, эмчек жана табарсык рагын чакыра турганы да маалым болду.

Илимпоздор кумшекер менен таттуу суусундуктан баш тартып, анын ордуна жер-жемиш же бал жеген оң экенин айтышкан.

"Ракты алдын алуу үчүн биринчи кезекте табигый таза азыктар менен тамактануу зарыл. Дандуу акшактын түрлөрү да бул ооруну алдын алып, анын өрчүп кетүү тобокелчилигин азайтат. Айрыкча, ал боор рагына миңдин бири", — деп жазылат маалыматта.

Омега-3 да рактан коргой турчу азыктардын алдыңкы сабында турары айтылды. Бул витаминдин деңиз азыктарында, грек жаңгагында жана кара икрада көп болору кошумчаланды.

Жаңылыктар түрмөгү
0