1-класстын окуучусунун сумкасы канча килограмм болушу керек. Адистердин сунушу

© Sputnik / Табылды КадырбековКөчөдө бараткан окуучулар. Архив
Көчөдө бараткан окуучулар. Архив - Sputnik Кыргызстан
Жазылуу
Мектепке көтөргөн рюкзактар сапаттуу материалдан болуп, окуучунун далысына ыңгайсыздык келтирбей тыкан кармалып турушу керектиги айтылды.

БИШКЕК, 25-авг. — Sputnik. Россиядагы керектөөчүлөрдүн укугун коргоо жана адамдык бакубатчылык боюнча федералдык кызматы (Роспотребнадзор) 1-класстын окуучулары ден соолугуна залака келтирип албаш үчүн сумкасынын салмагы 1,5 килограммдан ашпашы керектигин билдирди. Бул тууралуу РИА Новости жазды.

"Жыл өткөн сайын окуу китептери кооздолуп, сүрөттөр болушунча көп тартылып, салмагы оорлоп бара жатат. Бирок биз 1-2-класстардын балдары күн сайын 1,5 килограммдан ашык көтөрүп жүрбөшү керектигин унутпайлы. Бул салмак 3-4-класстар үчүн — 2; 5-6-класстар үчүн — 2,5; 7-8-класстар — 3,5; 9-11-класстар үчүн  4 килограмм болушу керек", — деп айтылат макалада.

1-класстарды мектепте окутуу тартиби жарыяланды. Ата-энелерге кулак кагыш

Ошондой эле мектепке көтөргөн рюкзактар сапаттуу материалдан болуп, окуучунун далысына ыңгайсыздык келтирбей тыкан кармалып турушу керектиги кошумчаланды.

Жаңылыктар түрмөгү
0