Бейруттагы жарылуу төрт оорукананы талкалады. Жабыркагандар жардамга муктаж

© REUTERS / ISSAM ABDALLAHЖарылуу болгон Бейрут шаары
Жарылуу болгон Бейрут шаары - Sputnik Кыргызстан
Жазылуу
Акыркы маалыматтар боюнча, ири кырсыктын кесепетинен 100дөн ашык киши каза болуп, төрт миңден көбү жабыркаган. Жарылуу 4-августта катталган.

БИШКЕК, 5-авг. — Sputnik. Бейруттагы катуу жарылуудан төрт оорукана түп орду менен талкаланып, бейтаптар башка мекемелерге жайгаштырылды. Ал эми кырсыктан жабыркагандар ооруканаларда орун жетишсиздигинен кайдан жардам алышты билбей жатат. Бул тууралуу Ливандын саламаттык сактоо министри Хамад Хасандын айтымына таянып РИА Новости билдирди.

Ал эми шаардын губернатору Марван Аббуд жарылуудан кийин Бейруттун жүз миңдеген жашоочулары үйлөрүн таштап башка жакка кетүүгө аргасыз болгонун кабарлады.

Буга чейин ал порттогу жарылуудан 10 куткаруучу көз жумганын айткан.

"300гө жакын адам аргасыздан үйлөрүн таштап кетти. Шаар 3-5 миллиард доллардай чыгымга учурады", — деди Аббуд.

Акыркы маалыматтар боюнча, ири кырсыктын кесепетинен 100дөн ашык киши каза болуп, төрт миңден көбү жабыркаган.

Жүрөктү титиретет! Бейруттагы  катуу жарылуунун видеосу 

Эске салсак, 4-августта Ливандын борбору Бейрут шаарындагы портто катуу жарылуу болгон.

Жаңылыктар түрмөгү
0