Адистер коронавирустун экинчи толкуну кандай болорун божомолдошту

© Sputnik / Александр Кряжев / Медиабанкка өтүүГостиница "Центральная" в Новосибирске
Гостиница Центральная в Новосибирске - Sputnik Кыргызстан
Жазылуу
Буга чейин Дүйнөлүк саламаттыкты сактоо уюму коронавирус пандемиясынан жаралган коркунуч дагы деле бар, жакында COVID-19дун экинчи толкуну болушу мүмкүн деген пикирин айткан.

БИШКЕК, 25-май — Sputnik. Эгер коронавирустун экинчи толкуну келе турган болсо, обочолонууга азыркыдай элдин баарын эмес, аялуу топту гана чыгаруу керек. Адистердин мындай пикирин РИА Новости жазды.

Россиялык вирусолог, медицина илимдеринин доктору Анатолий Альтштейн вирустун кийинки толкунунда эл жалпы изоляцияга чыгып кетсе, экономика мындан дагы катуу жабыркайт деп эсептейт.

"Албетте, коронавирустун экинчи толкуну болуп кала турган болсо, абалга жараша иш кылабыз. Бирок азыркыдай массалык түрдө иштебей койсок, экономика оңбой калышы мүмкүн. Анын үстүнө эмки толкунда бет кап кийип, аралыкты сактоо эле жетиштүү болот деп божомолдоп жатабыз", — деди Альтштейн.

Ал эми Эпидемиология жана микробиология илимий борборунун кызматкери Виктор Зуев вирустун кийинки толкунуна чейин вакцина табылып каларына ишенүүдө.

"Экинчи толкун жакынкы айларда болбойт деп ойлойм, анткени алдыда жай, ысык. Менимче, ал кадимки күзгү сасык тумоо менен келет болушу керек. Ага чейин вакцина табылып калар, бирок мен адис катары кийинки толкунга ишене бербейм", — деди Зуев.

Буга чейин Дүйнөлүк саламаттыкты сактоо уюму коронавирус пандемиясынан жаралган коркунуч дагы деле бар, жакында COVID-19дун экинчи толкуну болушу мүмкүн деген пикирин айткан

Коронавирус тууралуу

Вирустарды көзөмөлдөө боюнча республикалык илимий борбордун жетекчиси Зуридин Нурматов - Sputnik Кыргызстан
Радио
Нурматов: коронавирус күзүндө кайтып келиши ыктымал
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 25-майга карата дүйнө жүзү боюнча коронавирус жуктургандардын саны 5 424 718ге жетти.

Жаңылыктар түрмөгү
0