Россия АКШнын Ачык асман боюнча келишимден чыгуу ниетин сынга алды

© Sputnik / Андрей Станавов / Медиабанкка өтүүЭл аралык аэропорттун асманында учуп бараткан учак. Архив
Эл аралык аэропорттун асманында учуп бараткан учак. Архив - Sputnik Кыргызстан
Жазылуу
1992-жылы кол коюлган Ачык асман боюнча келишим кансыз согуштан кийин Европадагы тынчтыкты сактоо боюнча чаралардын бири болуп калган. Ага 34 өлкө мүчө.

БИШКЕК, 22-май. — Sputnik. Россия АКШнын Ачык асман боюнча келишимден чыгып жатканын актоо үчүн айтылган жүйөлөрүнүн бирин да кабыл албайт. Бул тууралуу РФ ТИМ башчысынын орун басары Александр Грушко айтканын РИА Новости жазды.

Бейшемби күнү кечинде АКШ президенти Дональд Трамп келишимден чыгарын, анткени анын талаптарын Россия да аткарбай жатканын айтып чыкканы белгилүү болду. Эми Трамптын пикири боюнча, "жаңы макулдашуу" түзүүгө "мыкты мүмкүнчүлүк жаралды".

"Биз болбогон техникалык көйгөйлөргө шылтап фундаменталдык келишимдин чыгуу аракеттеринин баарын четке кагабыз. Аскердик коопсуздук жаатындагы ар бир келишим өтө татаал материя экенин эскертким келет. Саясий эрк барда бардык маселе кызматташуунун, кызыкчылыктарды тең салмактоонун негизинде чечилет", — деди Грушко.

Дипломат техникалык мүчүлүштүктөрдү талкуулоо үчүн тоскоолдук жок экенин белгилеп, бул үчүн сөзсүз эле келишимден чыгуу зарыл эмес экенин кошумчалады.

"Келишимден чыгып кетүү менен бир да маселе чечилбейт. 20 жылдан бери Европада тынчтык жана коопсуздукту камсыздоого кызмат кылган инструменттин өзү жок калат. Бул келишим аскердик коопсуздук системасынын негизги бөлүгү, мында бардык элементтер бири-бири менен тыгыз байланышта", — деди Грушко.

Рабочая поездка президента РФ В. Путина в Южный федеральный округ - Sputnik Кыргызстан
Кара деңиз Россиянын толук көзөмөлүндө. НАТОнун аракетине жооп
ТИМ өкүлү Россия келишимдин талаптарын бузбаганына токтолду. Керек болсо Москванын дагы "Вашингтонго Кошмо Штаттардыкынан кем эмес дооматы бар" экенин белгиледи.

Белгилей кетсек, 1992-жылы кол коюлган Ачык асман боюнча келишим кансыз согуштан кийин Европадагы тынчтыкты сактоо боюнча чаралардын бири болуп калган. 2002-жылдан тарта ишке кирип, мүчө мамлекеттерге бири-биринин куралдуу күчтөрү тууралуу маалыматты ачык чогултууга жол берет. Ага 34 өлкө мүчө.

Жаңылыктар түрмөгү
0