Коронавирустан айыккандарды ооруканага жумушка тартса болот. Илимпоздун сунушу

© Пресс-служба мэра и правительства Москвы / Медиабанкка өтүүМедициналык кызматкер ооруканада иш учурунда. Архив
Медициналык кызматкер ооруканада иш учурунда. Архив - Sputnik Кыргызстан
Жазылуу
Партенскинин ою боюнча, коронавирустан айыккандар, аны жуктуруп ала электерге караганда азыркы тапта көптөгөн жумуш жасай алат. Алсак, алар базалык даярдыктан өткөндөн кийин бейтаптар менен иштесе болот.

БИШКЕК, 14-апр. — Sputnik. Коронавирустан айыккан адамдар COVID-19 пандемиясы менен күрөшүүгө маанилүү ресурс болуп эсептелет. Иммунитет пайда болгондуктан аларды ооруканадагы иштерге тартса болот. Бул тууралуу Кембридж жана Калифорния университеттеринин бүтүрүүчүсү, иммунитет маселеси боюнча адис, биофизика илимдеринин доктору Перец Партенски РИА Новостиге маек куруп жатып айтты.

Партенски жакында эле Wired журналынын америкалык версиясына "Коронавирусту жеңүү үчүн андан айыккандардын армиясын топтогула" деп айткан. Ал бул армияны CoronaCorps, башкача айтканда "коронавирус корпусу" деп атаган.

Буга чейин айрым ЖМКлар коронавирусту экинчи ирет жуктуруп алган учурлар боюнча жазып чыккан. Бирок ал жакта коронавирус адамдын организмине экинчи ирет жукканы же толук дарыланбай калгандыгы боюнча так айтылган эмес.

"Окумуштуулардын көбү баарыбызда бир же эки жылга иммунитет кайра пайда болорун божомолдоп жатышат. Дал ушул себептен дүйнө жүзүндө вакцинаны иштеп чыгуу жумуштары уланууда", — деди Партенски.

Окумуштуу иммунитет адам кайра вирусту жуктуруп алуусуна кепилдик бербей турганын, болгону ал вирустан тез коргоого жөндөмдүү болорун айткан.

Медициналык маска кийген аял. Архив - Sputnik Кыргызстан
Кытай ноябрда коронавирустун жаңы толкунун божомолдоодо
Партенскинин ою боюнча, коронавирустан айыккандар аны жуктуруп ала электерге караганда азыркы тапта көптөгөн жумуш жасай алат. Алсак, алар базалык даярдыктан өткөндөн кийин бейтаптар менен иштесе болот. Карантин учурунда жумушта жүргөн дарыгерлердин балдарына кам көрүп, керектүү дары-дермек, азык-түлүк жеткирип, ооруканаларга жардам бере алат.

"Бул жерде адамдын тажрыйбасынан көп нерсе көз каранды. Эгер айыккандар дарыгер болсо, алар ишенимдүү түрдө ооруканаларда эч коркпой, алдыңкы катарда иштесе болот", — деген адис.

Партенски "коронавирус корпусуна" кошулуу чечимин ар бир айыккан адам өзү кабыл алышы керектигин кошумчалаган.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

Жаңылыктар түрмөгү
0