11:37 01 Кулжа 2020
Түз эфир
  • USD73.7678
  • EUR82.0114
  • RUB1.0426
Дүйнөдө
Кыскача шилтеме алуу
Кытайдагы жаңы типтеги коронавирус (752)
983 0 0

Американын лидеринин айтымында, бийлик вируска каршы чараларды көрбөгөндө өлкөдө 2 миллиондой кишинин көз жумушу мүмкүн эле.

БИШКЕК, 30-мар. — Sputnik. АКШ президенти Дональд Трамп жекшемби күнү болгон маалымат жыйында бийлик коронавируска каршы чараларды көрбөсө, 2 миллиондой америкалык кырылмагын билдирип, вирустан 100-200 миң кишинин өлүмүн "жакшы көрсөткүч" деп атаган. Бул туурасында РИА Новости билдирди.

Трамптын айтымында, АКШда коронавирустук инфекциядан боло турчу өлүмдүн эң жогорку көрсөткүчү 14 күндүн ичинде күтүлүп жатат.

"Эгер биз каза болгондордун санын 100-200 миңге чейин азайта алсак, мыкты иш алып барган болобуз", — деген Американын лидери.

Ошондой эле АКШ коронавирус пандемиясынан кийин мурдагыдай калыбына 1-июндан тарта гана кайта башташы мүмкүндүгүн кошумчалаган.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, АКШда коронавирусту 142 502 киши жуктуруп, анын 2 506сы көз жумуп, 4 856 бейтап сакайды. Өлкө дүйнө жүзү боюнча коронавирус жайылган мамлекеттердин сап башына чыкты.

11-март күнү Дүйнөлүк саламаттык сактоо уюму коронавирус  пандемиясын  жарыялаган. Ушул тапта дүйнө боюнча COVID-19 вирусун жуктургандардын саны 722 289ге жетип, анын 151 991и ооруну жеңди. Вирустан каза тапкандардын саны 33 984 болду.

Тема:
Кытайдагы жаңы типтеги коронавирус (752)

Тема боюнча

Кыргызстандагы COVID-19: өлкөдө бүгүн абал кандай. Тексттик баян, сүрөт, видео
ЖМК: коронавирустун кесепетинен немец министри жанын кыйды
Эртеңден тарта жалпы москвалыктар үчүн карантин жарыяланат
Белгилер:
көрсөткүч, өлүм, коронавирус, Дональд Трамп, АКШ

ЭҢ МААНИЛҮҮ