"Россия сегодня" агенттиги COVID-19 менен күрөшүү альянсына кошулду

© Sputnik / Рамиль Ситдиков / Медиабанкка өтүү"Россия сегодня" эл аралык маалымат агенттигинин имараты. Архив
Россия сегодня эл аралык маалымат агенттигинин имараты. Архив - Sputnik Кыргызстан
Жазылуу
"Россия сегодня" агенттиги альянстын долбоорлорун маалыматтык жактан колдоо боюнча активдүү иш алып барат.

БИШКЕК, 28-мар. — Sputnik. "Россия сегодня" эл аралык маалымат агенттиги Россиянын түз инвестициялар фонду, Россиянын өндүрүшчүлөр жана ишкерлер биримдиги, "Яндекс" жана Mail.ru Group тарабынан негизделген Коронавирус менен күрөшүү альянсына кошулду. Бул тууралуу РИА Новости жазды.

"Россия сегодня" агенттиги альянстын долбоорлорун маалыматтык жактан колдоо боюнча активдүү иш алып барат", — деп айтылат кабарда.

Көчөлөрдү дезинфекциялап жаткан кызмакерлер. Алмата, Казахстан - Sputnik Кыргызстан
Казакстан менен Өзбекстанда COVID-19 жуктургандар көбөйүп баратат
Россиянын түз инвестициялар фонду менен агенттиктин биргеликтеги алгачкы долбоору —"Жаңы COVID-19 вирусун алдын алуу жана дарылоо боюнча колдонмо" болду. Бул коронавирусту алдын алуу, көзөмөлдөө, аныктоо, дарылоо жана оорулуу адамга кам көрүү боюнча буга чейинки тажрыйбаларды камтыган дүйнөдөгү алгачкы басылма болуп калды. Ал Кытайдан Чжэцзян провинциясындагы Университеттик медицина мектебинин Биринчи академиялык клиникасынын коронавирус менен күрөшүүдөгү тажрыйбаларынын негизиндө түзүлдү.

Маалыматты орус тилине которуп, Россияда басып чыгарууну РФтин түз инвестициялар фонду, "Россия сегодня" агенттиги жана Сеченовский университети колго алган. Аны медициналык мекемелер жана кызыккан бардык адистер арасында акысыз таратып жатышат.

"Жаңы COVID-19 вирусун алдын алуу жана дарылоо боюнча колдонмону" бул шилтеме аркылуу да көчүрүп алууга болот.

"Россия сегодня" агенттигинин башкы директору Дмитрий Киселев ал жетектеген ЖМК элге коронавирус тууралуу маалымат жеткирүү үчүн бардык мүмкүнчүлүгүн жумшап жатканын айтты.

"Биз альянска кошулуу менен башыбызга түшкөн мындай оор сыноо учурунда калкка болгон кубатыбызды жумшап, маалыматты туура жана кечиктирбей жеткирүүнү көздөйбүз. Бул биздин кесиптик милдетибиз", — деди Киселев.

Россиянын түз инвестициялар фондунун башкы директору Кирилл Дмитриев коронавируска каршы күрөштө элге туура маалыматтын жетиши өтө маанилүү экенин баса белгиледи.

Sputnik радиостунун логотиби. Архив - Sputnik Кыргызстан
Sputnik эң көп шилтеме берилген радиостанциялардын сап башына чыкты
"Россия сегодня" агенттигинин кызматкерлеринин кесипкөйлүгү жана оперативдүүлүгү долбоорлордун таасирин арттырат. Агенттик вирус менен күрөшүү боюнча Кытайдын тажрыйбасын колдонмо кылып басып чыгуу менен өз күчүн, мүмкүнчүлүгүн көрсөттү. "Россия сегодня" эл аралык маалымат агенттигинин курамына кирген РИА Новости жана Sputnik долбоорлору эл үчүн маалыматтын эң ишенимдүү булагы бойдон калууда", — деди ал.

COVID-19 тууралуу Россия жана дүйнөдөгү акыркы маалыматтарды стопкоронавирус.рф порталынан окусаңыздар болот.

Жаңылыктар түрмөгү
0