Коронавирус боюнча фейк маалымат менен Facebook, Google, Microsoft чогуу күрөшөт

© AFP / KIRILL KUDRYAVTSEVFacebook, Instagram, Twitter жана Google тиркемелери. Архив
Facebook, Instagram, Twitter жана Google тиркемелери. Архив - Sputnik Кыргызстан
Жазылуу
Компаниялар башка фирмаларды коронавируска каршы күрөшкө кошулууга чакырып, "коомчулук ден соолукта жана коопсуздукта болушу үчүн" иштөө керектигин айтышты.

БИШКЕК, 17-мар. – Sputnik. Америкалык Facebook, Google жана Microsoft, андан сырткары, LinkedIn, Reddit, Twitter менен YouTube коронавирустун жаңы тиби боюнча жалган маалыматтарды тараткандар менен күрөшө тургандыктарын айтышты. Бул туурасында РИА Новости жазды.

Бул боюнча алар биргелешип билдирүү жасады.

"Биз COVID-19 вирусуна каршы туруу жаатында күчүбүздү бириктирип, кызматташып жатабыз. Миллиондогон адамдардын бири-бири менен байланышта болуп туруусуна жардам беребиз. Аны менен катар эле вирус боюнча жалган маалымат таратып, алдамчылык кылгандар менен күрөшөбүз. Биздин платформада саламаттык сактоо боюнча мамлекеттик органдар менен эриш-аркак иштеп, туура жана абдан маанилүү делген маалыматтарды дүйнөгө жайылтабыз", — деп айтылат Facebook тараткан маалыматта.

Компаниялар башка фирмаларды да ушуга окшогон кадамдарга чакырып, "коомчулук ден соолукта жана коопсуздукта болушу үчүн" иштөө керектигин айтышты.

Работа стоматологической клиники - Sputnik Кыргызстан
Чүй: коронавирус боюнча жалган маалымат тараткан аял тиш доктур болуп чыкты
АКШда коронавирус жуктуруп алгандардын саны учурда 4,6 миң адамга жетип, 85 адам жашоо менен коштошту. Америка бийлиги жарандарды бара турган жайлардан баш тартып, үйдөн иштеп, окууга чакырды. Бир жерге 10дон ашуун кишинин топтолушуна жол бербөөнү, 15 күнгө чейин кафе, бар, ресторандарга барбай турууну сунуштады.

Бир катар штаттар менен муниципалитеттердин бийлиги жабыр тарткан райондордо карантин киргизди.

17-март, эртең мененки маалыматка ылайык, коронавирус менен ооругандардын саны 182 405ке жетип, 7 154 адам көз жумду. Ал эми айыккан бейтаптардын саны 79 433.

Жаңылыктар түрмөгү
0