04:28 06 Кулжа 2020
Түз эфир
  • USD74.2343
  • EUR84.1186
  • RUB1.0816
Дүйнөдө
Кыскача шилтеме алуу
Кытайдагы жаңы типтеги коронавирус (762)
1982 0 0

Медициналык мекемени жергиликтүү тургундар өрттөөгө аракет кылышкан. Алар коронавируска кабылган ондой адамдын ооруканага алып келинишине нааразы болушту.

БИШКЕК, 1-мар. — Sputnik. Ирандын Бендер-Аббас шаарынын тургундары коронавируска кабылган бейтаптар жатат делген ооруканага өрт коюшту.

​29-февраль күнү болгон окуянын видеосун Iran International телеканалы өзүнүн Twitter-аккаунтуна жарыялаган.

Анда көрүнүп тургандай, дарбазанын ары жагында ооруканалардын биринен жалындаган өрт чыгып жатат. Шаардыктар окуяга көз салып турушкан.

Телеканалдын айтымында, медициналык мекемени жергиликтүү тургундар өрттөөгө аракет кылышкан. Алар коронавируска кабылган ондой адамдын ооруканага алып келинишине нааразы болушкан.

"Бир нече убакыт өткөндөн кийин өрт өчүрүлгөн. Андан жабыркаган, каза болгондор катталган эмес", — деп жазылат билдирмеде.

Кийинчерээк Хормозган медициналык окуу жайынын өкүлү Фатима Норузян телеканалга маек куруп, "Бендер-Аббас ооруканасына илдетке кабылган жаңы бейтаптар алып келинди" деген маалымат чындыкка дал келбей турганын айткан. Бул ушакты жергиликтүү тургундар өздөрү эле таратканы маалым болду.

Бул вирустан Ирандын Ватикан жана Египеттеги мурдагы элчиси Хади Хосроушахи көз жумуп, саламаттык сактоо министринин орун басары Ирадж Харирчи жуктуруп алганы кабарланган. Акыркы маалымат боюнча Иранда вирусту жуктуруп алгандардын саны 978ге жетти. Анын 54ү каза болду.

Ал эми Дүйнөлүк саламаттык сактоо уюмунун маалыматы боюнча коронавирус Кытайдан тышкары 53 мамлекетке жайылып кеткен. Жуктуруп алгандардын саны 6000ден ашса, анын 86сы көз жумду. Европада дартка чалдыккандардын саны боюнча Италия алдыда турат.

Тема:
Кытайдагы жаңы типтеги коронавирус (762)

Тема боюнча

Коронавирус маршрутка же көчөдөн жугабы? Дарыгердин пикири
Абылгазиев аэропортко барып коронавирустан коргонуу иштерин текшерди. Сүрөт
Коронавирустан улам дүйнөнүн эң бай адамдары 444 млрд. долларын жоготту
Белгилер:
видео, оорукана, өрт, коронавирус, Иран

ЭҢ МААНИЛҮҮ