12:14 03 Кулжа 2020
Түз эфир
  • USD73.5222
  • EUR82.1316
  • RUB1.0658
Дүйнөдө
Кыскача шилтеме алуу
Иранда кулаган Украинанын учагы (22)
880 0 0

Зариф чабуул болчу күнү аба мейкиндигинин жабылбаганын согуштук аракеттер Тегерандан алыс жерде болгону менен түшүндүрдү. Анын айтымында, Иран Иракка каршы сегиз жыл бою согушкан учурда дагы аба мейкиндигин жапкан эмес.

БИШКЕК, 26-янв. — Sputnik. Ирандын тышкы иштер министри Мухаммед Жавад Зариф Украинанын жарандык Boeing учагын жаңылыштык менен атып түшүргөн аскер кызматкери абакта экенин айтты. Бул тууралуу Sputnik радиосу маалымдады.

"32 жыл мурда АКШ Ирандын жарандык учагын атып түшүргөн. Анысы үчүн ушул күнгө чейин расмий кечирим сурай элек. Керек болсо америкалык офицер медаль менен сыйланган. Ал эми Украинанын учагынын кулашына себепчи болгон ирандык аскер абакта жатат", — деди ал.

Зариф чабуул болчу күнү аба мейкиндигинин жабылбаганын согуштук аракеттер Тегерандан алыс жерде болгону менен түшүндүрдү. Анын айтымында, Иран Иракка каршы сегиз жыл бою согушкан учурда дагы аба мейкиндигин жапкан эмес.

Ошондой эле министр кырсык тууралуу иликтөөлөргө украиналык адистерди жана Boeing компаниясынын өкүлдөрү чакырылганын кошумчалады.

Каргашанын чоо-жайы

2020-жылдын 8-январында Тегерандан Киевге багыт алган Украинанын учагы абага көтөрүлөрү менен кулап түшкөн. Ичиндеги 167 жүргүнчү менен экипаждын 9 мүчөсүнүн бири да аман калган эмес. Бортто Иран, Украина, Канада, Германия, Швеция жана Афганистандын жарандары болгону кабарланган.

Үч күндөн кийин Ирандын аскерий адамдары каргашанын жоопкерчилигин мойнуна алышкан. Иран тараптын айтымында, аба кемеси аскер объектисинин жанынан учуп бараткандыктан, аны АКШнын аскерий учагы деп жаңылыштык менен атып алган.

Тема:
Иранда кулаган Украинанын учагы (22)

Тема боюнча

Мен өрттөнсөм болмок! Иран генералы Украинанын кыйраган учагы үчүн кечирим сурады
Иран Украина учагын эки ракета менен атканын моюндап, чоо-жайын айтты
Белгилер:
абак, Аскер, кырсык, учак, АКШ, Иран

ЭҢ МААНИЛҮҮ