21:31 21 Бирдин айы 2020
Түз эфир
  • USD69.8500
  • EUR75.5323
  • RUB1.0863
Дүйнөдө
Кыскача шилтеме алуу
620 0 0

Жубайлар 8-январда падышалык үй-бүлөдөгү ыйгарым укуктардан баш тартуу чечимин кабыл алган. Алар финансылык жеңилдиктерге, ыйгарым укуктарга ээ болгусу келбей, падышалык үй-бүлөдөгү милдеттерди аткарып, өз алдынча акча таап жашагысы келгендигин айтышкан.

БИШКЕК, 20-янв. — Sputnik. Ханзада Гарри жубайы менен биргеликте кабыл алган падышалык үй-бүлөдөгү ыйгарым укуктардан баш тартуу чечиминин кесепеттүү болгонуна кайгырып жатканын Лондондогу кайрымдуулук иш-чарасында билдирди. Бул тууралуу Reuters агенттиги жазды.

Буга чейин Букингем сарайы британиялык ханзада Гарри менен жубайы Меган Маркл үстүбүздөгү жылдын жаз айларынан тарта падышалык милдеттерин аткарбай турганын жар салган. Ошондой эле "Алардын падышалык улуу урматына" деген маанайда кошо айтылып келген жогорку даражадагы өзгөчө макам сөз Гарри менен Меганга колдонулбай турганы маалымдалган.

"Меган экөөбүз үйлөнгөндө келечекке болгон үмүтүбүз чоң болуп, кызмат кылгыбыз келген. Бирок жубайым экөөбүздүн чечимибиз ушундай көрүнүшкө жетип калганына кайгырып турам", — деди ханзада.

Гарри чечим кабыл алуу оңойго турбаганын жана сүйлөшүүлөр бир нече айга созулганын белгилеген.

"Сүйлөшүүлөр көптөгөн айларга созулду... Жаңылбай түз жүрдүм деп дагы айтпайм, бирок бул учурда башка тандоо жок болуп калды. Белгилей кетейин, биз сиздерден такыр эле кетип жаткан жерибиз жок. Биз мамлекеттин каржылоосу жок эле ханышага, Шериктештикке, аскерий ассоциацияларга кызмат кылгыбыз келген. Бирок, тилекке каршы, буга мүмкүн болгон жок", — деди ханзада.

Эске салсак, жубайлар 8-январда падышалык үй-бүлөдөгү ыйгарым укуктардан баш тартуу чечимин кабыл алган. Алар финансылык жеңилдиктерге, ыйгарым укуктарга ээ болгусу келбей, падышалык үй-бүлөдөгү милдеттерди аткарып, өз алдынча акча таап жашагысы келгендигин айтышкан. 

Тема боюнча

Елизавета II келини Меган Марклга дагы эскертүү берди
Ханзаада Гарринин достору Меган Маркл менен дасторконго отуруудан баш тартышты
Белгилер:
Лондон, ыйгарым укуктуу өкүл, Меган Маркл, Канзада Гарри

ЭҢ МААНИЛҮҮ