Австралиядагы өрттөн миллиарддан ашык жан-жаныбар жок болду

© REUTERS / STRINGERАвстралиядагы өрт
Австралиядагы өрт - Sputnik Кыргызстан
Жазылуу
Жаңы Түштүк Уэльс штатында 2019-жылдын сентябрь айында тутанган өрт беш миллион гектардан ашуун жерди жалмап, калк жашаган миңден ашуун турак жай күйгөн. Күндүн ысыгы жана шамал өрттү ого бетер күчөткөн.

БИШКЕК, 9-янв. — Sputnik. Австралия токойлорундагы өрттөн бир миллиарддан ашык жан-жаныбар өлдү. Бул тууралуу Сидней университетинин маалымат кызматына шилтеме берип РИА Новости жазды.

Эске салсак, Жаңы Түштүк Уэльс штатында 2019-жылдын сентябрь айында тутанган өрт беш миллион гектардан ашуун жерди жалмап, калк жашаган миңден ашуун турак жай күйгөн. Күндүн ысыгы жана шамал өрттү ого бетер күчөткөн.

Куйкаланган жаныбарлар, сел сымал жалын. Австралиядагы өрттүн видеосу - Sputnik Кыргызстан
Куйкаланган жаныбарлар, сел сымал жалын. Австралиядагы өрттүн видеосу
Университеттин профессору Крис Дикмандын айтымында, өрт чыккан жерден өлгөн жаныбарлардын саны 800 миллионго жакындады. Ал эми жалпы өлкө боюнча тилсиз жоо бир миллиарддай жандыкты жок кылды.

Адистер өлгөн жаныбарлардын санын билүү үчүн Жапайы жаратылыш боюнча дүйнөлүк фонддун 2007-жылкы маалыматтарын колдонгон. Анда окумуштуулар сүт эмүүчү, канаттуу жана сойлоп жүрүүчүлөрдүн Австралиядагы жыштуулугун орто эсеп менен алып, өрттөнгөн аймакка көбөйтүп коюшту.

Бирок адистер өлгөн жаныбарлардын саны мындан дагы көп болушу мүмкүн деген божомолун айтууда.

Жаңылыктар түрмөгү
0