15:07 18 Кулжа 2021
Түз эфир
  • USD84.6400
  • EUR101.1490
  • RUB1.1674
Дүйнөдө
Кыскача шилтеме алуу
203 0 0

АКШ сенаты Мамлекеттик департаментти Россияны "террорчулардын демөөрчүсү" деген тизмеге кошууга чакырды. Сенаторлор эмне үчүн дал ушул маалда мындай өтүнүч менен кайрылганына эксперт Владимир Оленченко Sputnik радиосунун эфиринде түшүндүрмө берди.

Американын сенаторлору Россияны "террорчулуктун демөөрчүсү" деп эсептешет. Бул тууралуу АКШ сенатынын эл аралык комитети тарабынан колдоо тапкан мыйзам долбоорунда айтылат. Мындай аталыштын расмий кабылданышы тууралуу чечимди мамлекеттик катчы кабыл алышы керек. Бул тууралуу комитеттин маалымат кызматына таянуу менен РИА Новости жазды.

Документке ылайык, Мамдепартаменттин жетекчиси мыйзам күчүнө киргенден кийин 90 күндүн аралыгында конгресстин тийиштүү комитеттерине корутунду бериши керек. Ошол эле убакта Россия көзөмөлдөгөн куралдуу түзүлүштөр Донбасста барбы жана өзүн-өзү атап алган ЛНР жана ДНР кыймылдары "чет элдик террордук уюмдар" деген аныктамага туура келеби деген суроолорго жооп таап, тактап алышы зарыл.

Учурда Мамлекеттик департамент түзгөн "террорчулук демөөрчүсү" тизмесинде Иран, Түндүк Корея, Сирия жана Судан бар.

Өткөн жумада АКШ мамлекеттик катчысынын орун басары Дэвид Хэйл Мамдепартамент Россияны террорчулуктун демөөрчүсү деп эсептебей турганын белгилеген. Анын айтымында, Россия өзү террордук чабуулдун курмандыгы.

РФ илимдер академиясынын ИМЭМО европалык изилдөөлөр борборунун улук илимий кызматкери Владимир Оленченко бул маселенин ушул маалда көтөрүлүшү бекеринен эмес деген пикирде.

"Сыягы, акыл-эс потенциалынын түгөнүшү менен демократтар жана республикачылардын ортосундагы тирешүү күтүүсүз нерселерге алып келүүдө окшойт. АКШ президенти Дональд Трамптын тышкы иштер министри Сергей Лавров менен жолугушуусу да түйшөлтүп жаткандай, себеби бул сүйлөшүү жайбаракат өтүп, ашып өтө алгыс тоскоолдуктар жок экенин көрсөттү. Албетте, бул Трамптын каршылаштарынын тынчын ала турган жагдай. Анын үстүнө АКШда келерки жылы президенттик шайлоо өтөт. Мындан улам террорчулукту колдойт деп Россияны жаманатты кыла коюу ыңгайлуу болуш керек. Башкача айтканда, акыл-эстүүлүк менен ой жүгүртүү азыркы америкалык саясатка жат көрүнүш боло түштү окшойт", — деди Оленченко.

Белгилей кетсек, АКШ президенти Дональд Трамп менен Россия ТИМинин жетекчиси Сергей Лавровдун жолугушуусу 10-декабрда жабык эшик артында өтүп, Америкада ар кыл пикирлерди жараткан.

Тема боюнча

"Норманд саммити" соңуна чыкты. Зеленскийдин кийинки кадамы кандай болот
Белгилер:
террорчулук, мамиле, Россия, АКШ, Сергей Лавров, Дональд Трамп

ЭҢ МААНИЛҮҮ