Грузияда эмне болууда? Полициянын чогулган элди кубалаган сүрөт, видеосу
Грузияда эмне болууда? Полициянын чогулган элди кубалаган сүрөт, видеосу
Sputnik Кыргызстан
Тбилисиде 14-ноябрдан бери нааразычылык акциялары токтобой келет. Кечээ күнү полиция парламент имаратынын алдына чогулгандарды кубалады. Бул жакта Грузиядагы... 19.11.2019, Sputnik Кыргызстан
Тбилисиде 14-ноябрдан бери нааразычылык акциялары токтобой келет. Кечээ күнү полиция парламент имаратынын алдына чогулгандарды кубалады. Бул жакта Грузиядагы акыркы абал, толкундоолордун себеби жөнүндө маалыматтар бар.
БИШКЕК, 19-ноя. — Sputnik. Тбилисиде полиция кызматкерлери парламенттин алдына нааразычылык акциясына чогулган элди кубалады. Бул тууралуу Sputnik Грузия агенттиги жазууда.
Күндүз парламенттин бардык кире беришине чатырлар тигилип, башкаруучу партиянын депутаттарын имараттын ичине киргизбей коюшкан. Акциянын уюштуруучулары менен оппозиция лидерлеринен парламенттин алдынан тарап кетүүсүн бир нече жолу өтүнүшкөн, бирок андан майнап чыккан эмес.
Күндүз парламенттин бардык кире беришине чатырлар тигилип, башкаруучу партиянын депутаттарын имараттын ичине киргизбей коюшкан.
Окуя болгон жерге атайын кызматтын жоокерлери, суу аткычтар тартылган. Акциянын катышуучуларын Руставели проспектисине кысып, андан соң кубалашкан. Чогулгандарды таркатууда митингчилер каршылык көрсөткөн.
Полицияга баш ийбөөгө, бейбаштык уюштурууга шектелип 37 адам кармалып, алты адам жабыркады. Алардын төртөө катышуучу болсо, экөө полиция кызматкери. Кармалгандардын арасында активисттер, жаштар кыймылынын лидерлери да бар.
Ал ортодо нааразы болгондорду Батуми шаарынын тургундары да колдоп, өкмөт үйүнүн алдына чатырларды тигип, кармалгандарды бошотуу талабын коюшууда.
Митинг эмне себептен болууда?
Тбилисиде 14-ноябрдан бери нааразычылык акциялары токтобой келет. Ошол күнү парламент партиялык тизме менен шайлануу боюнча мыйзамды кабыл алган эмес. Чогулгандар өкмөттү таркатуу жана тез арада пропорциялык система боюнча парламенттик шайлоо өткөрүү талабын коюп жатат.
