05:12 13 Жетинин айы 2019
Түз эфир
  • USD69.8469
  • EUR77.0062
  • RUB1.0939
 Johnson & Johnson компаниясынын офиси. Архив

Эмчек бези өсүп кеткен кишиге дары саткан компания 8 млрд. доллар төлөмөр болду

© REUTERS / Mike Blake
Дүйнөдө
Кыскача шилтеме алуу
222 0 0

Дарыны ичкенден бир топ убакыт өткөн соң баланын эмчек бездери кескин чоңоюп кеткен. Анын айтымына караганда, компания мындай болорун билгени менен рецепт жазып берген дарыгерлерге эскерткен эмес.

БИШКЕК, 9-окт. — Sputnik. Филадельфиядагы сот арачылар Johnson & Johnson компаниясын Мэриленд аймагынын жашоочусуна сегиз миллиард долларлык компенсация төлөп берүүгө милдеттендирди. Бул туурасында Wall Street Journal журналы жазды.

Ал адам компанияга Risperdal деп аталган психотроптук препараттын оорулууга терс таасир тийгизип, тобокелдик жаратарын эскертпегени үчүн доо койгон.

Басылма доо менен кайрылган Николас Мюррей бала кезинде, тагыраагы, 2003-жылдан 2008-жылга чейин психикасында көйгөйлөр болгону үчүн Risperdal дарысын ичип жүргөнүн айткан. Бир нече убакыттан кийин баланын эмчек бездери кескин чоңоюп кеткен. Анын айтымына караганда, компания мындай болорун билген, бирок рецепт жазып берген дарыгерлерге эскерткен эмес.

2015-жылы сот арачылары бул иш боюнча биринчи чечимин чыгарып, компанияны 1,75 миллион доллар төлөтүүгө милдеттендирип, кийин 680 миң долларга азайткан. Доогер бул окуядан кийин кайрадан арызданып, жаңы чечимдин негизинде сегиз миллиард доллар ала турган болгон.

Компаниянын өкүлдөрү соттун бул чечимине макул эместигин жана негизсиз вердиктти жокко чыгаруу үчүн арызданышарын айтышты. Алар азыркы компенсация көлөмү мурдагы 680 миң доллар менен салыштырууга болбойт дешип, сумма өтө эле асмандап кеткендигин билдиришти. Өкүм күчүн жоготот деп ишенип тургандыктарын кошумчалашкан.

Аталган компания боюнча бир нече жыл мурда да ушундай соттук чечим чыккан. Миссури штатындагы Сент-Луис шаарынын сот арачылары Johnson & Johnson холдингин алардын продукциясын колдонуп рак менен ооруп калдым деген аялга 110 миллион доллар компенсация төлөп берүүгө милдеттендирген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Рак болгон аялга компания 110 млн. доллар компенсация төлөөгө милдеттендирилди
АКШда жубайларды ракка кабылтты деген компания 2 млрд. доллар төлөмөр болду
Белгилер:
рак, компенсация, арыз, АКШ

ЭҢ МААНИЛҮҮ