БИШКЕК, 7-окт. — Sputnik. Американын тургуну сюрприз жасайм деп Норвегиядан атайы АКШга учуп келген күйөө баласын атып алды. Бул тууралуу People басылмасы жазды.
Окуя 1-октябрда Галф Бриз шаарында кечинде болгон. Кристофер Берган кайнатасы Ричард Деннистин туулган күнүнө атайы Флоридага учуп келген.
Жергиликтүү шерифтин айтымында, Деннис бир нече күн мурун анын үйүнө келген бейтааныш киши менен кайым айтыша кетип, аны кууп чыккан.
Ал эми Берган кайнатасы Ричард Деннисти таң калтырайын деп бадалдын ичинен чыга калганда үй ээси аны жакында келип кеткен киши экен деп атып салган. Окуя болгон жерге келген дарыгерлер жигитти аман алып кала алышкан эмес. Атылган ок анын жүрөгүнө тийген.
Флориданын полициясы окуяга эч ким күнөөлүү эместигин, бардыгы кокусунан болгон кырсык экенин билдирди.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
