Афганистанда президенттик шайлоо күнү жардыруу болду

© AP Photo / Ebrahim NorooziАфганистандын аскер кызматкерлери
Афганистандын аскер кызматкерлери - Sputnik Кыргызстан
Жазылуу
Буга чейин эки апта мурда шайлоо алдында Афганистанда терактылар болуп, андан ондогон кишилер жаракат алган.

БИШКЕК, 28-сен. — Sputnik. Афганистандын Кундуз провинциясында эртең менен болгон жарылуудан бир адам жабыркады. Бул туурасында РИА Новости билдирди.

Кундуз — Кабул шаарынан 240 чакырым алыстыкта жайгашкан провинциялык аймак.

Афганистанда бүгүн эл президентти тандайт, ал эми шайлоо тилкелери эртең менентен тарта ачылган.

Президенттик тандоо жараянынын кыйчалышкан кырдаалда болуп жаткан чагы. Бул маанилүү иш-чара радикалдык "Талибан" кыймылы менен АКШнын тынчтыкты орнотуу боюнча ийгиликсиз сүйлөшүүлөрүнүн жана талибдердин шайлоону үзгүлтүккө учуратабыз деген билдирүүсүнүн фонунда өтүүдө.

Ал эми кечээ, 27-сентябрда, Кандагар провинциясынан тартип сакчылары 31 бомба тапкан.

"Кеминде 31 бомба табылып, анын баары зыянсыздандырылды", — деп билдирген аталган провинциянын расмий өкүлү Ахмад Бахир Ахмади.

Афганистандын учурдагы президенти Ашраф Гани. Архив - Sputnik Кыргызстан
Афганистанда президенттик шайлоо өтүп жатат. Ашраф Гани добуш берди
Буга чейин эки апта мурда Афганистанда терактылар болуп, ондогон кишилер жаракат алган. ЖМКлардын жазганына караганда, ал иштерди талибдер жасагандыгын жар салган.

Бул сапар 15 талапкер ат салышууда. Алардын арасында азыркы президент Ашраф Гани жана анын 2014-жылдагы шайлоодогу атаандашы, аткаруу бийлигинин азыркы башчысы Абдулла Абдулла бар. Алгач мамлекетти башкарам деген ниет менен 18 адам чыкса, кийинчерээк алардын үчөө талапкерлигин алып салган. Булардын ичинен экөө учурдагы лидерди колдоо иретинде жарыштан четтегендигин билдирген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Жаңылыктар түрмөгү
0