Атлантиканын үстүнөн учкан самолёт төгүлүп кеткен кофеден улам артка кайтты

© Sputnik / Владимир Сергеев / Медиабанкка өтүүУчак. Архив
Учак. Архив - Sputnik Кыргызстан
Жазылуу
Airbus A330 учагы Германиянын Франкфурт калаасынан Мексиканын Канкун шаарын көздөй бара жаткан айтылат.

БИШКЕК, 14-сен. — Sputnik. Airbus учагынын учкучу кабинадагы панелге кофе төгүп алганы үчүн кайтып келүүгө аргасыз болду.

RT телеканалынын жазышынча окуя февралда болгон, бирок эми гана ачыкка чыгып отурат.

Airbus A330 учагы Германиянын Франкфурт калаасынан Мексиканын Канкун шаарын көздөй бара жаткан.

​Окуяны иликтеген комиссиянын корутундусунда учкуч кофе куюлган стаканды атайын коюлчу жерге эмес, бүктөлө турчу столго койгондуктан ал панелдин үстүнө төгүлгөн. Анын кесепетинен учкучтардын кабинасы түтөп, бир сааттан кийин баскычтар эрий баштаган. Дагы бир нече убакыттан кийин жер менен байланышууда көйгөй жаралган.

Жыйынтыгында учкучтар Атлантика океанынын үстүнөн артка кайтып, Ирландиянын Шеннон шаарына конууга аргасыз болушкан. Бактыга жараша, бул окуядан эч ким жабыркаган эмес.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0