14:09 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Дераа аймагына Сирия желегинин илүү. Архивдик сүрөт

Сириядагы согуш бүттү. Сергей Лавров билдирүү жасады

© Sputnik / Михаил Алаеддин
Дүйнөдө
Кыскача шилтеме алуу
252 0 0

Сирияда согуш 2011-жылы башталган. 2015-жылдын август айында өлкө президенти Башар Асад Россияга кайрылып, аскердик жардам сураган.

БИШКЕК, 13-сен. — Sputnik. Сириядагы согуш аягына чыкты. Бул тууралуу Россиянын тышкы иштер министри Сергей Лавров "Труд" гезитине маек куруп жатып билдиргенин РИА Новости жазды.

Анын айтымында, өлкө акырындап жай турмушуна кайтууда.

"Чыңалган абал Сирия өкмөтүнүн көзөмөлүнөн тыш калган жерлерде байкалат. Мисалы, Идлиб, Евфрат дарыясынын чыгыш жээги сыяктуу аймактар", — деди министр.

Лавров мындай шартта Сирияга гуманитардык жардам көрсөтүү маселеси биринчи планга чыгарын белгилеп, "өлкөдө жана Жакынкы Чыгыш аймактагы абалды турукташтыруу үчүн кризисти жөнгө салуу боюнча саясий процесстерди алдыга жылдыруу" башкы максат экенин кошумчалады.

Министр Россия Сирия тарап менен, анын ичинде оппозиция менен да алаканы мындан ары өнүктүрүүгө кызыкдар экенин айтты. Анын пикиринде, өлкө ичиндеги саясий процесске Сирия коомчулугунун бардык тобу катышышы керек.

"Жалпы жонунан Россия суверендүү Сириянын бүтүндүгүн, терроризмдин кесепетин жоюуну тездетүү, сириялыктардын мекенине, ал эми өлкөнүн "араб үй-бүлөсүнө" кайтып келүүсүн каалайт. Бул Жакынкы Чыгыштагы тынчтыкты камсыздамак", — деди Лавров.

Эскерте кетсек, Сирияда согуш 2011-жылы башталган. 2015-жылдын август айында өлкө президенти Башар Асад Россияга кайрылып, аскердик жардам сураган. Ошол эле жылдын 30-сентябрынан тарта РФтин аба күчтөрү террорчуларга абадан сокку урган.

2017-жылдын соңунда "Ислам мамлекети" жеңилгени жар салынган. Ушу тапта биринчи планда мамлекеттеги саясий абалды жөнгө салуу, өлкөнү калыбына келтирүү жана качкындарды мекенине кайтаруу маселелери турат.

Тема боюнча

Сирия, Ирактан кайткан КР жарандарынын тагдыры кандай болот? УКМКнын жообу
Белгилер:
бийлик, оппозиция, армия, саясат, согуш, Сирия

ЭҢ МААНИЛҮҮ