08:15 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Дамаск шаарында ойногон балдар. Архивдик сүрөт

Периште бойдон кетишти... Согуштан мертинген балдардын саны рекордго жетти

© Sputnik / Дмитрий Виноградов
Дүйнөдө
Кыскача шилтеме алуу
151 0 0

Жаңжалдардан улам ажал таап жана жаракат алган балдар Афганистанда эң көп катталып, саны 3062ге жеткен.

БИШКЕК, 30-июл. — Sputnik. Дүйнөдө болуп жаткан согуштун кесепетинен набыт болгон жана жаракат алган балдардын саны 2018-жылы мурда болуп көрбөгөндөй чекке жетти. Бул туурасында БУУнун баш катчысы өз докладында билдиргенин РИА Новости жазды.

БУУнун Согуштар жана балдар жөнүндөгү докладына ылайык, жаңжалдан улам ажал таап жана жаракат алган балдар Афганистанда эң көп катталып, саны 3062ге чамалайт. Ал эми Сирияда 1854, Йеменде 1689 бала запкы жеп, мертинген. Сомалиде дагы согуштун кесепетин тарткан жана периште бойдон учуп кеткен балдардын саны өсүп 2300гө жетсе, Нигерияда 1947ни түзөт.

Мындан сырткары, 2018-жылы 933 бала сексуалдык зомбулук көргөнү тастыкталган. Анын ичинен Сомалиде 331, Конго Демократиялык Республикасында 277 бала экени көрсөтүлгөн.

Ал эми 2490 бала уурдалганы маалымдалат. Анын ичинен Сомалиде 1609, Конго Демократиялык Республикасында 367, Нигерияда 180, Түштүк Суданда 109, Сирияда 69, Африкада 62, Суданда 22, Филиппинде 13 экени белгилүү болду.

Тема боюнча

Дүйнөдө 120 миллион адам дайыма ачка жүрөт. БУУнун иликтөөсү
Калыйбек Тагаев: немистердин өлгөн балдарынын кийимин жыртып чоңойдук
Белгилер:
БУУ, жарадар, зомбулук, өлүм, бала, согуш, дүйнө

ЭҢ МААНИЛҮҮ