09:45 12 Бештин айы 2019
Түз эфир
  • USD69.8500
  • EUR77.4252
  • RUB1.0989
Жүк текшерип жаткан аэропорт кызматкери. Архив

Көп алып кете албайсың! Россияга бараткандардын жүгүнө чектөө киргизилет

© Sputnik / Александр Кряжев
Дүйнөдө
Кыскача шилтеме алуу
521 0 0

Жаңы эреже боюнча Россияга баратканда нормадан көп мөмө-жемиш же жашылча бажы көзөмөлүнөн өтө албайт.

БИШКЕК, 22-июл. — Sputnik. 19-августтан тарта Россияга мөмө-жемиш, жашылча жана гүл алып кирүү үчүн жаңы эреже иштеп баштайт. Бул туурасында РИА Новости агенттиги жазды.

Ага ылайык, башка өлкөдөн бараткан жарандар беш килограммдан ашпаган мөмө-жемиш жана жашылча, үчтөн көп эмес букет гүл менен гана өтө алат. Букеттин гүлү же жалбырагы 15ке чейин болушу шарт. Мындан көп өлчөмдө жүк алып киргендерден чек арадан фитосанитардык сертификат талап кылынат. Эгер тийиштүү документ жок болсо жүк артка кайтарылып же ошол жерде жок кылынат.

Жаңы нормалар фитосанитардык тобокелчилиги жогору турган продукцияларга киргизилгени белгиленет. Бул тизмеге курма, инжир, ананас, авокадо, гуава, манго, мангустин, ошондой эле өрүк, алча, гилас, шабдалы, кара  өрүк жана цитрус өсүмдүктөрү кирген.

Мындан сырткары, буурчак, жаңгак, томат, капустанын ар кандай түрлөрү, сабиз, шалгам, чамгыр, бадыраң, пияз жана кулпунайга чектөө коюлду.

Жаңы эрежелер суу, аба, темир жол жана автоунаа транспортторунун баарына тиешелүү экени айтылат. Ошондой эле транспорт каражаттарын башкарып жана жүргүнчүлөрдү тейлеп бара жаткан адамдар да Евразия экономикалык биримдиктин аймагынан кирип жатканда ушул эрежени сакташы зарыл. Ушундай эле чектөөлөр почта аркылуу жиберилген жүктөргө да коюлган.

Тема боюнча

Россия: Кыргызстанда экинчи аскер база ачуу жөнүндө сүйлөшүү болгон жок
Белгилер:
транспорт, учак, эреже, чектөө, жүк, Россия

ЭҢ МААНИЛҮҮ