БИШКЕК, 10-июл. — Sputnik. Кытайда нөшөрлөп жааган жаандын айынан 77 миң адам эвакуацияланды. Бул тууралуу РИА Новости жазды.
Кеп Чжэцзян, Цзянси, Хунань, Сычуань, Гуйчжоу, Чунцин жана Гуанси-Чжуан провинциялары тууралуу болуп жатат.
Бир нече күндөн бери токтобогон жамгыр 1,6 миллион адамдын жай турмушун бузуп, 77 миң жаран коопсуз жакка көчүрүлдү.
"1,6 миң имарат урап, дагы 7,9 миңине ар кандай деңгээлде зыян келтирилди. Азырынча экономикалык чыгым 390 миллион доллар деп бааланууда", — деп жазылат макалада.
Метеорологдор шаршемби күнү дагы нөшөрлөгөн жаан уланаарын билдирүүдө.
