БИШКЕК, 24-июн. — Sputnik. Гиннес китебине кирген рекордчу, америкалык дарчы Ник Валленда Нью-Йорктогу Таймс-сквер аянтындагы 25 кабаттуу үйлөрдүн ортосуна тартылган аркандан басып өттү. Бул тууралуу РИА Новости жазды.
Conquering the impossible. #HighwireLIVE pic.twitter.com/zyeEyhnZ1w
— Nik Wallenda (@NikWallenda) 24 июня 2019 г.
Дарчы бул жолу татаал жолду жазгыз эмес, карындашы Лияна менен биргеликте басып өткөн. Узундугу 396 метрге жеткен аркандын эки башынан бир туугандар бири-бирин көздөй баскан. Дал ортосуна жеткенде бири экинчисин аттап өтүп, андан ары жолун улап кетишти.
We've never seen anything like it! @NikWallenda and @LijanaWallenda just crossed each other ON THE WIRE! #HighwireLIVE pic.twitter.com/XVL7P8Z8In
— Highwire LIVE (@HighwireLIVE) 24 июня 2019 г.
Акробаттарды жерде жүздөгөн туристтер менен шаар тургундары карап турду.
Ник Валленда — айтылуу цирк артисттеринин династиясынын чыккан дарчы. Буга чейин Ниагара шаркыратмасы менен Гранд-Каньондон аркан аркылуу өткөн.
