Пилдин тамтаңдаган баласы. Ичти жылыткан видео

© AFP / INA FASSBENDER Зоопарк немецкого города Вупперталь
Зоопарк немецкого города Вупперталь - Sputnik Кыргызстан
Жазылуу
Видео сейрек кездешкен жаныбарлар кармалып турган зоопаркта тартылган.

БИШКЕК, 18-июн. — Sputnik. Бельгиядагы Pairi Daiza деп аталган зоопарктан жаңы туулган пилдин баласынын тамтаңдап, жаңыдан гана туруп жаткан учурун тартып алышкан. Бул туурасында National Geographic жазды.

Аталган жайда ар кыл жаштагы 20га чукул пил бар. Үч ай мурда бул жерде кичинекей пил пайда болсо, бир нече күн мурда дагы бири төлдөгөн.

Pairi Daiza сейректеп бара жаткан жаныбарларды сактап калуу максатын көздөп, индия пилдерин Европада көбөйтүү боюнча программага катышып келет. Жапайы жаратылышта аталган жаныбарлар киши колдуу болуп өлүп, 50 пайызга жоголуп кеткендиктен, ушундай кадамга барышкан.

Акыркы маалыматтарга таянсак, алар саны болгону 30-50 миңдин тегерегинде гана калган.

Буга чейин интернетте 60 жылдан ашуун жашаган F_MU1 аттуу ургаачы пил туурасында маалымат тараган. Анын өзгөчөлүгү - браконьерлер жарым кылымдан ашуун ал жаныбарды өлтүрө алган эмес. Адистер бул өз ажалынан, картайып өлгөн пил экендигин айтышкан

Жаңылыктар түрмөгү
0