13:08 26 Кулжа 2019
Түз эфир
  • USD69.5117
  • EUR79.1425
  • RUB1.1118
Альпинисты стоят на вершине горы Эверест. 22 мая 2019 года

Эвересттеги онунчу өлүм. Ажалдуу тоого чыгуучулардын түгөнбөгөн кезеги. Видео

© AFP 2019 / Handout / Project Possible
Дүйнөдө
Кыскача шилтеме алуу
1292 0 0

Ишемби күнү Эвересттин чокусуна жетип, кайра түшүп келе жатканда британиялык 44 жаштагы кишинин жүрөгү туруштук бере албай көз жумган.

БИШКЕК, 26-май — Sputnik. Непал бийлиги дүйнөдөгү эң бийик чокуга чыгам деген туристтерге рекорддук сандагы лицензия берип коюп, ал адам өлүмүнө да алып келди. Бул туурасында BBC кабарлады.

Интернет айдыңына жарыяланган видео менен сүрөттөрдөн бир нече жүз кишилердин чокусу асман тиреген Эвересттин башына чыгуу үчүн ак кар, көк музда кезек күтүп турганын көрүүгө болот.

Интернетке тарап кеткен бул сүрөттү мурдагы атайын даярдыктагы аскер, гвардиячы Нирмал Пуржа аттуу адам тарткан. Маалыматтар анын Facebook тармагындагы баракчасына жарыяланган.

Анда ал Эверестке 22-майда саат таңкы 5:30да чыкканын жазган. Адамдар улам өргө көтөрүлгөнү менен 320га чукул адам кезекте турганын маалымдаган.

Андан сырткары twitter тармагындагы EverestToday аккаунтуна видео жарыяланган. Анда бийик тоону кыялай кызыл, сары түстөгү альпинисттердин Эвересттин чокусун көздөй чыгып бара жаткандыгын көрүүгө болот.

​Бул арада 10 киши өз өмүрү менен кош айтышып кеткен. Алар индиялык 4, ирландиялык 2, непалдык, австриялык, америкалык туристтер экени айтылды.

Ал эми ишемби күнү Эвересттин чокусуна жетип, кайра түшүп келе жатканда британиялык 44 жаштагы киши көз жумган.

Быйылкы жазда эле Гималай тоолорунда 20га чукул киши курман болгон.

Маалыматта Эверестке (Джомолунгма) чыгууга лицензия алыш үчүн эле 11 миң доллар төлөшөөрү айтылган. Быйыл Непал бийлиги жаз маалы үчүн эле 381 лицензия сатып жиберишкени, бул рекорддук сан экени айтылууда.

Быйыл жаз башка жылдарга салыштырмалуу катаалдыгы жана этек-жеңди жулган катуу шамалы менен айырмаланганы жазылды.

Эверестке чыгуунун жазгы маалы марттан тарта майдын аягына чейин уланат. Бул мезгилде асман тиреген аталган чокунун этегинде аба ырайы бир аз жылуураак тартып, кардын жаашы азаят.

Эверест тоосунун бийиктиги 8,848 метр.

Тема боюнча

Альпинист Оморова: чокуга жеткенде бороон башталып, жанымдагыларды таппай калгам
Белгилер:
турист, лицензия, өлүм, альпинист, Эверест, Непал

ЭҢ МААНИЛҮҮ