04:22 26 Бугу 2019
Түз эфир
  • USD69.8500
  • EUR78.1272
  • RUB1.0811
Кырсыктаган Sukhoi Superjet 100 учагы

Шереметьеводогу кырсык. Экипаж окуянын кандайча болгонун айтып берди

© Sputnik / Сергей Мамонтов
Дүйнөдө
Кыскача шилтеме алуу
Шереметьеводогу каргаша (12)
4086 0 0

Кырсыктан 41 адам көз жумду. Куткаруучулар 33 жүргүнчү менен экипаждын төрт мүчөсүн сактап калды.

БИШКЕК, 6-май — Sputnik. Кырсыктаган Sukhoi Superjet 100 учагынын экипаж мүчөлөрү окуянын чоо-жайын айтып берди. Бул тууралуу "Россия 24" телеканалы билдирди.

Окуя 5-майда болгон. Sukhoi Superjet 100 учагы Москвадан Мурманскиге учуп, абага көтөрүлгөндөн кийин 28 мүнөттөн соң Шереметьево аэропортуна конууга аргасыз болгон. Учак аба ырайынын катаалдыгынан улам экинчи жолку аракетинде гана коно алган. Жерге конуп жатканда кыймылдаткычтары иштебей калып, күйүп кеткен.

"Учуп бара жатып булутка киргенбиз. Мөндүр жаап жаткан. Бир маалда бир нерсе жарк дей түшүп, андан соң арт жак түтөп кетти. Ошондо жүргүнчүлөр ордунан туруп, учак жүрүп бара жатканына карабай, алдыга жыла баштады. Андан кийин учак конуп, эвакуация башталды. Мен бутум менен эшикти тээп ачып, элди сыртка чыгара баштадым”, — деди Татьяна Касаткина аттуу борт коштоочу.

Андан тышкары, кырсык тууралуу командир Денис Евдокимов айтып берди.

"Бизде радио байланыш жок болчу. Аны экинчи жыштык аркылуу калыбына келтирдик. Бирок ал сапаттуу болгон жок. Радио байланыштын үзүлүшүнө чагылган себеп болду. Андыктан, учакты компьютер аркылуу эмес, авариялык башкаруу режими менен кондурууга туура келди”, — деди Евдокимов.

Кырсыктан 41 адам көз жумду. Куткаруучулар 33 жүргүнчү менен экипаждын төрт мүчөсүн сактап калды.

Мурманск облусунун жетекчилиги тарабынан аймакта үч күндүк аза күтүү жарыяланды. Облустун каза болгон тургундарынын жакындары миллион рублден компенсация алат. Ал эми ооруканага жеткирилгендерге 500 миң рублден берилет.

Тема:
Шереметьеводогу каргаша (12)

Тема боюнча

Шереметьеводо өрттөнгөн учак. Жээнбеков Путинге көңүл айтты
Жардамга!.. Шереметьевого өрттөнүп конгон учактын ичинен тартылган видео
Белгилер:
экипаж, кырсык, учак, "Шереметьево" аба майданы, Москва

ЭҢ МААНИЛҮҮ