12:07 02 Чын Куран 2020
Түз эфир
  • USD82.2000
  • EUR90.0665
  • RUB1.0389
Дүйнөдө
Кыскача шилтеме алуу
256 0 0

Алгач жылкыларды көрүүчүлөр менен калыстардын алдына жайдак, андан кийин кооздолгон ээр-токуму менен алып чыгышты.

БИШКЕК, 29-апр. — Sputnik. Түркмөнстанда ахалтекин аттарынын арасында сулуулук сынагы өтүп, "Парасат" (Даанышман) аттуу айгыр мыкты деп аталган. Бул тууралуу РИА Новости жазды.

Аттардан эл аралык сулуулук сынагы Ашхабад шаарындагы Ахалтекин жылкы комплексинде Түркмөнстандагы Жылкы күнүнө карата 28-апрель күнү өттү.

Алгач жылкыларды көрүүчүлөр менен калыстардын алдына жайдак, андан кийин кооздолгон ээр-токуму менен алып чыгышты.

Калыстар тобу финалга чыккан 10 жылкынын арасынан "Парасатты" мыкты деп тандап, машыктыруучусуна BMW – 740 li үлгүсүндөгү автоунаа белек кылышты.

Иш-чарага көрүүчү катары аталган сынакты демилгелеген Түркмөнстандын президенти Гурбангулы Бердымухамедов катышты.

Жылкынын ахалтекин породасы дүйнөдөгү эң байыркы жана көрктүүсү болуп эсептелет. Окумуштуулар аны азыркы Түркмөнстандын аймагында 5 миң жыл мурда пайда болгон деп айтышат.

Тема боюнча

Бул аттарды баатырлар, эрлер минген! "Манас" эпосундагы тулпарлар. II бөлүк
Кулуну эле 100 миң сом турат! Чүйдө багылган зоот жылкылардын видеосу
Белгилер:
Түркмөнстан, ахалтекин, жылкы, сынак

ЭҢ МААНИЛҮҮ