Беш жашар бала 21 чакырымды басып... Аргентинада жоголгон наристенин окуясы

© AFP / TOBIAS SCHWARӨспүрүм бала. Архив
Өспүрүм бала. Архив - Sputnik Кыргызстан
Жазылуу
Баланы издөөгө миңге чукул адам тартылган. Алардын ичинде полиция кызматкерлери, өрт өчүрүүчүлөр жана ыктыярчылар дагы бар. Жыйынтыгында наристени мотоцикл айдаган кишилердин тобу тапкан.

БИШКЕК, 21-мар. — Sputnik. Аргентинада жоголуп кеткен беш жашар бала үйүн издеп бир суткада 21 чакырым жол баскан. Бул тууралуу Clarin басылмасына таянып Sputnik Белоруссия жазып чыкты.

Весна в Новосибирске - Sputnik Кыргызстан
Жыл башынан бери 99 бала жоголгон. Алардын коркунучтуу оюн менен байланышы барбы
Билдирмеге таянсак, Сан-Хуан облусунда наристе ата-энеси менен сейилдеп жүрүп жоголуп кеткен. Башында бала жакындарынын артынан келе жатып, андан кийин таптакыр эле калып кеткен. Апасы баласын издеп, карайлап таппай калган.

Баланы издөөгө миңге чукул адам тартылганы айтылат. Алардын ичинде полиция кызматкерлери, өрт өчүрүүчүлөр жана ыктыярчылар дагы бар. Жыйынтыгында наристени мотоцикл айдаган кишилердин тобу таап алган.

"Жоголгон бала бактын түбүндө тамагы кургап, суусап отурган. Ал байкерлерди көргөндө дароо эле суу сураган. Наристени мотоцикл айдагандар тик учакка отурууга араң көндүрүп апасына алып барышкан", — деп жазылат маалыматта.

Бала жоголгон аймакта чаян, жылан жана башка коркунучтуу жандыктар көп экени айтылды. Бир сутканын ичинде ал үйүн издеп 21 чакырым жол баскан.

"24 сааттын ичинде жинди болуп кете жаздадык. Экинчи аны көрбөйм го деп ойлогом...", — деди баланын энеси.

Наристе алыстан чыккан жарыкты апасына окшоштуруп кете бергенин айтып берген.

Жаңылыктар түрмөгү
0